രാജ്യത്ത് കൊറോണ വൈറസ് രോഗ വ്യാപനം കുറയുന്ന പ്രവണത തുടരുകയാണ്

പ്രതിദിന കോവിഡ് രോ​ഗികളുടെ എണ്ണം 16000ലേക്ക് എത്തിയിരിക്കുന്നു. ഇന്നലെ മാത്രം 16,505 പേര്‍ക്കാണ് വൈറസ് ബാധ റിപ്പോര്‍ട്ട് ചെയ്തിരിക്കുന്നത്. ഇതോടെ മൊത്തം രോ​ഗബാധിതരുടെ എണ്ണം 1,03,40,470 ആയി ഉയര്‍ന്നതായി സര്‍ക്കാര്‍ കണക്കുകള്‍ സൂചിപ്പിക്കുന്നു.ഇന്നലെ മാത്രം 214 പേരാണ് കൊറോണ വൈറസ് ബാധയെ തുടര്‍ന്ന് മരിച്ചിരിക്കുന്നത്. ഇതോടെ മരണസംഖ്യ 1,49,649 ആയി ഉയര്‍ന്നതായി സര്‍ക്കാര്‍ കണക്കുകള്‍ പറയുന്നു. ചികിത്സയിലുള്ളവര്‍ 2,43,953 ആണ്.ഇന്നലെ മാത്രം 19,557 പേര്‍ രോ​​ഗമുക്തി നേടി. ഇതോടെ മൊത്തം രോ​ഗമുക്തരുടെ എണ്ണം 99,46,867 ആയി ഉയര്‍ന്നതായി സര്‍ക്കാര്‍ കണക്കുകള്‍ വ്യക്തമാക്കുന്നു.