ബുറെവി ചുഴലിക്കാറ്റ് ഇന്ന് ശ്രീലങ്കയില് പ്രവേശിക്കും
ബംഗാള് ഉള്ക്കടലില് രൂപം പ്രാപിച്ച ബുറെവി ചുഴലിക്കാറ്റ് നിലവില് കന്യാകുമാരിയില് നിന്നും 740 കിലോമീറ്റര് അകലെയെത്തി. ബംഗാള് ഉള്ക്കടലില് നിന്നും തെക്കേ ഇന്ത്യന് മുനമ്ബിലേക്ക് നീങ്ങുന്ന ബുറെവി ചുഴലിക്കാറ്റ് ഇന്ന് രാത്രിയോടെ ശ്രീലങ്കയില് പ്രവേശിക്കും എന്നാണ് പ്രവചനം. നാളെ ശ്രീലങ്കയും കടന്ന് തമിഴ്നാട് തീരത്തേക്ക് കാറ്റ് അടുക്കുന്നതോടെയാണ് കേരളത്തില് ബുറെവിയുടെ സ്വാധീനം ആരംഭിക്കുക. നാളെ ഉച്ചമുതല് മറ്റന്നാള് ഉച്ചവരെ തെക്കന് ജില്ലകളില് അതീവ ജാഗ്രത പാലിക്കണമെന്ന് കാലാവസ്ഥാ വിദഗ്ദ്ധര് വ്യക്തമാക്കി.തിരുവനന്തപുരം മുതല് പാലക്കാട് വരെയുള്ള ജില്ലകളിലാണ് ജാഗ്രതാ നിര്ദേശം നല്കിയിട്ടുള്ളത്. ഈ ജില്ലകളില് ശക്തമായ മഴയ്ക്ക് സാധ്യതയുണ്ട്. തെക്കന് ജില്ലകളില് പ്രത്യേകിച്ചും കനത്ത മഴയ്ക്കും കാറ്റിനും ബുറെവി വഴി തുറക്കും. തിരുവനന്തപുരം, കൊല്ലം, പത്തനംതിട്ട, ആലപ്പുഴ ജില്ലകളില് നാളെ റെഡ് അലര്ട്ട് പ്രഖ്യാപിച്ചിട്ടുണ്ട്.