തിരുവനന്തപുരം മെഡിക്കൽ കോളേജ് പ്ലാറ്റിനം ജൂബിലി കൺവെൻഷൻ രണ്ടാം ദിനം: പ്രമുഖ ഡോക്ടർമാർ പങ്കെടുത്തു

തിരുവനന്തപുരം മെഡിക്കൽ കോളേജ് പ്ലാറ്റിനം ജൂബിലി കൺവെൻഷൻ രണ്ടാം ദിനം: പ്രമുഖ ഡോക്ടർമാർ പങ്കെടുത്തു

0

തിരുവനന്തപുരം മെഡിക്കൽ കോളേജ് പ്ലാറ്റിനം ജൂബിലി കൺവെൻഷന്‍റെ ഭാഗമായി വൈദ്യശാസ്ത്രത്തിലെ പുതിയ മുന്നേറ്റങ്ങൾ, ആരോഗ്യനയം, ചികിത്സാരംഗത്തെ നൂതന സാങ്കേതികവിദ്യകൾ, പൊതുജനാരോഗ്യം തുടങ്ങിയ വിഷയങ്ങളിൽ പ്രമുഖ ഡോക്ടർമാരും വിദഗ്ധരും പ്രഭാഷണങ്ങളും ചർച്ചകളും നടത്തി. തിരുവനന്തപുരം മെഡിക്കൽ കോളേജ് അലുമ്നി അസോസിയേഷൻ (TMCAA), ടീച്ചേഴ്സ് അസോസിയേഷന്‍, സ്റ്റുഡന്‍സ് യൂണിയന്‍ എന്നിവര്‍ സംയുക്തമായാണ് പരിപാടി സംഘടിപ്പിക്കുന്നത്.

പ്രൊഫ. എം. കൃഷ്ണൻ നായർ സെഷനായിരുന്നു ആദ്യത്തേത്. ഡോ. സി.ഒ. കരുണാകരൻ മെമ്മോറിയൽ ഓറേഷനില്‍ ഫോറം ഫോർ എത്തിക്സ് റിവ്യൂ കമ്മിറ്റീസ് ഇൻ ഇന്ത്യയുടെ പ്രസിഡന്റ് ഡോ. നന്ദിനി കെ. കുമാർ സംസാരിച്ചു. ‘ഹീമറ്റോളജിക്കൽ മാലിഗ്നൻസീസ് – ആൻ അപ്ഡേറ്റ്’ എന്ന വിഷയത്തിൽ യുകെയിലെ വോർസെസ്റ്റർഷയർ അക്യൂട്ട് എൻഎച്ച്എസ് ട്രസ്റ്റിലെ കൺസൾട്ടന്റ് ഹീമറ്റോളജിസ്റ്റ് ഡോ. സലിം ഷഫീഖ് പ്രഭാഷണം നടത്തി. തുടർന്ന് നടന്ന ലീഡ് ലെക്ചറുകളിൽ ഓസ്‌ട്രേലിയയിലെ യൂണിവേഴ്സിറ്റി ഓഫ് ന്യൂകാസിലിലെ എമിരിറ്റസ് പ്രൊഫസറും ക്ലിനിക്കൽ ഡീനുമായ ഡോ. കിച്ചു നായർ, യുണൈറ്റഡ് കിംഗ്ഡത്തിലെ എൻഎച്ച്എസ് ഫൗണ്ടേഷൻ ട്രസ്റ്റിലെ കൺസൾട്ടന്റ് മെഡിക്കൽ ഓങ്കോളജിസ്റ്റ് ഡോ. ബിനു സി.ജെ. നായർ, പി.എം.എസ്. ഡെന്റൽ കോളേജ് സിഇഒ ഡോ. പി.എസ്. താഹ എന്നിവര്‍ പ്രഭാഷണം നടത്തി.

പ്രൊഫ. ചെറിയാൻ തോമസ് സെഷനിൽ ഡോ. ചെറിയാൻ തോമസ് മെമ്മോറിയൽ ഓറേഷൻ നടന്നു. ‘ടോട്ടൽ നീ റീപ്ലേസ്മെന്റ് – ദ കറന്റ് സ്റ്റാറ്റസ്’ എന്ന വിഷയത്തിൽ കൊല്ലം ഗവൺമെന്റ് മെഡിക്കൽ കോളേജിലെ ഓർത്തോപീഡിക്സ് പ്രൊഫസർ ഡോ. ബിനോയ് എസ് പ്രഭാഷണം നടത്തി. മുതിർന്നവർക്കുള്ള വാക്സിനേഷനെക്കുറിച്ച് ഐസിഎംആർ എമിരിറ്റസ് സയന്റിസ്റ്റും കേരള ആരോഗ്യ സർവകലാശാലയിലെ സ്കൂൾ ഓഫ് പബ്ലിക് ഹെൽത്ത് വിദഗ്ധയുമായ ഡോ. ടി.കെ. സുമയും പ്രോസ്റ്റേറ്റ് കാൻസറിനെക്കുറിച്ച് എസ്.എം.ഐ.എം.എസിലെ റേഡിയേഷൻ ഓങ്കോളജി പ്രൊഫസർ ഡോ. ഫ്രാൻസിസ് വി. ജെയിംസും സംസാരിച്ചു.

മെറ്റബോളിക് സിൻഡ്രോമിലെ പുതിയ കണ്ടെത്തലുകളെക്കുറിച്ച് ഡോ. ബിഷ്ണു രവി കേശവൻ പ്രഭാഷണം നടത്തി. ദേശീയ ക്ഷയരോഗ നിയന്ത്രണത്തിലെ പുതിയ മാറ്റങ്ങളെക്കുറിച്ച് തിരുവനന്തപുരം മെഡിക്കൽ കോളേജിലെ ഡോ. കിരൺ വിഷ്ണു നാരായണനും അക്യൂട്ട് സ്ട്രോക്ക് മാനേജ്മെന്റിലെ മാറുന്ന ചികിത്സാരീതികളെക്കുറിച്ച് തിരുവനന്തപുരം കിംസ് ഹെൽത്തിലെ സീനിയർ കൺസൾട്ടന്റ് ന്യൂറോളജിസ്റ്റ് ഡോ. എസ്. ശ്യാംലാലും സംസാരിച്ചു.

ഡോ. ബാലരാമൻ നായർ സെഷനിൽ പ്രൊഫ. ജി. വിജയരാഘവൻ മെമ്മോറിയൽ ഓറേഷൻ സംഘടിപ്പിച്ചു. പ്ലാനിംഗ് ബോര്‍ഡ് അംഗം ഡോ. എസ്.എസ്. ലാൽ സംസാരിച്ചു. സർക്കാർ കേന്ദ്രീകൃത മെഡിക്കൽ ഇൻഷുറൻസ് സംവിധാനത്തെക്കുറിച്ച് ഐഎംഎ നാഷണൽ ലീഗൽ സെൽ ചെയർമാൻ ഡോ. എ.വി. ജയകൃഷ്ണൻ, കേരളത്തിന്റെ ആരോഗ്യപരിപാലന മാതൃകയിൽ ഇടത്തരം ആശുപത്രികളുടെ സാധ്യതകളെക്കുറിച്ച് ഐഎംഎ നാഷണൽ ജെ.ഡി.എൻ ചെയർമാൻ ഡോ. ശ്രീജിത്ത് എൻ. കുമാർ, യുവ മെഡിക്കൽ ബിരുദധാരികളെപ്പറ്റി ഐഎംഎ നാഷണൽ ആക്ഷൻ കമ്മിറ്റി കൺവീനർ ഡോ. സുൽഫി എൻ. എന്നിവർ പ്രഭാഷണം നടത്തി. വിദേശ ആരോഗ്യവിദഗ്ധരുടെ കാഴ്ചപ്പാടിൽ കേരളത്തിന്റെ ആരോഗ്യപരിപാലന മാതൃക എന്ന വിഷയത്തിൽ ഗ്യാസ്‌ട്രോഎൻട്രോളജി മുൻ പ്രൊഫസറും വകുപ്പ് മേധാവിയുമായിരുന്ന ഡോ. കെ.ആർ. വിനയകുമാറും സംസാരിച്ചു.

സ്റ്റേറ്റ് ഓഫ് ദ ആർട്ട് ലെക്ചറുകളിൽ കമ്മ്യൂണിറ്റി എമർജൻസികളെക്കുറിച്ച് തിരുവനന്തപുരം ജനറൽ ആശുപത്രിയിലെ കൺസൾട്ടന്റ് സർജൻ ഡോ. ഡി. ശ്രീകാന്തും മൈക്രോബിയൽ രോഗനിർണയത്തിലെ ആധുനിക പ്രവണതകളെക്കുറിച്ച് തിരുവനന്തപുരം ഗവൺമെന്റ് മെഡിക്കൽ കോളേജിലെ ഇൻഫെക്ഷ്യസ് ഡിസീസസ് വിഭാഗം പ്രൊഫസർ ഡോ. ആര്‍ അരവിന്ദും പ്രഭാഷണം നടത്തി.

പ്രമുഖ സിനിമാ നിര്‍മ്മാതാവും നടനുമായ ദിനേശ് പണിക്കരുടെ നേതൃത്വത്തില്‍ സിനിമാ സീരിയല്‍ താരങ്ങളുടെ കലാവിരുന്നും സംഘടിപ്പിച്ചു.

ഡോ. എം.വി. പിള്ള, ഡോ. എം.ഐ. സഹദുള്ള, ശ്രീ ചിത്ര ഡയറക്ടര്‍ ഡോ. സഞ്ജയ് ബഹ്റ, മെഡിക്കല്‍ കോളേജിലെ ആദ്യ എംബിബിഎസ് ബാച്ച് (1951) വിദ്യാര്‍ത്ഥിയായ ഡോ. ശാരദാ ദേവി എന്നിവരും പങ്കെടുത്തു.

You might also like
Leave A Reply

Your email address will not be published.