മലയോര ഗ്രാമത്തിലെ മിസ്റ്ററി; ബിജു സോപാനവും സൂര്യദാസും ഒന്നിക്കുന്ന ‘തോട്ട’ – ഫസ്റ്റ് ലുക്ക് സുരേഷ്ഗോപി പ്രകാശനം ചെയ്തു

മലയോര ഗ്രാമത്തിലെ മിസ്റ്ററി; ബിജു സോപാനവും സൂര്യദാസും ഒന്നിക്കുന്ന 'തോട്ട' - ഫസ്റ്റ് ലുക്ക് സുരേഷ്ഗോപി പ്രകാശനം ചെയ്തു

0

വെൺമണിമേട് എന്ന മലയോര ഗ്രാമത്തിന്റെ പശ്ചാത്തലത്തിൽ, സാധാരണക്കാരുടെ ജീവിതത്തിലൂടെ കടന്നുപോകുന്ന സംഭവബഹുലമായ ഒരു കഥയുമായി പുതിയ ചിത്രം ‘തോട്ട’ എത്തുന്നു. ചിത്രത്തിന്റെ ഫസ്റ്റ് ലുക്ക് പോസ്റ്റർ കേന്ദ്ര മന്ത്രിയും എംപിയുമായ സുരേഷ് ഗോപി പ്രകാശനം ചെയ്തു.

ബിജു സോപാനവും പ്രശസ്ത സംവിധായകൻ തുളസീദാസിന്റെ മകൻ സൂര്യദാസും മുഖ്യവേഷങ്ങളിൽ എത്തുന്ന ചിത്രം ഉടൻ തിയേറ്ററുകളിലെത്തും.

ഫാമിലിയും സസ്പെൻസും ത്രില്ലറും ഒരേപോലെ കോർത്തിണക്കിയാണ് ചിത്രം ഒരുക്കിയിരിക്കുന്നത്. ജീവിതഗന്ധിയായ മുഹൂർത്തങ്ങൾക്കൊപ്പം പ്രേക്ഷകരുടെ ആകാംക്ഷ അവസാന നിമിഷം വരെ നിലനിർത്തുന്ന ഒട്ടനവധി സസ്പെൻസ് മുഹൂർത്തങ്ങളും ചിത്രത്തിലുണ്ട്.

ബിജു സോപാനത്തിനും സൂര്യദാസിനുമൊപ്പം വിജയൻ ആക്കുളം, അനിൽ നായർ, സിറിയക് ആലഞ്ചേരി, ഞെക്കാട് രാജു, റോബിൻ മായന്നൂർ, ഗിരീഷ്, സുനിൽകുമാർ, എം.ടി. സുകുമാരൻ, ബിച്ചു അനീഷ്, എയ്ഞ്ചൽ അനിൽ, അരുന്ധതി, ഡോ. ശ്വേത, ആൽബി, മാസ്റ്റർ ബദരീനാഥ് തുടങ്ങിയവർ അണിനിരക്കുന്നു. സംവിധായകൻ തുളസീദാസും ഈ ചിത്രത്തിൽ അഭിനയിക്കുന്നു എന്നതാണ് മറ്റൊരു പ്രത്യേകത.

സി ഫോർ സിനിമാസിന്റെ ബാനറിൽ അനിൽ ഗോപിനാഥ് നിർമ്മാണവും ഛായാഗ്രഹണവും സംവിധാനവും നിർവ്വഹിക്കുന്നു. കഥ, തിരക്കഥ, സംഭാഷണം – റാഫി കെ, സംഗീതം – ഗോപു കൃഷ്ണ.

You might also like
Leave A Reply

Your email address will not be published.