പാച്ചല്ലൂർ ഗവണ്മെന്റ് എൽ പി സ്കൂളിൽ പ്രവേശനോൽസവം വർണ്ണശബളമായ ചടങ്ങുകളോടെ നടന്നു
കോവളം :പാച്ചല്ലൂർ ഗവണ്മെന്റ് എൽ പി സ്കൂളിൽ പ്രവേശനോൽസവം വർണ്ണശബളമായ ചടങ്ങുകളോടെ നടന്നു. പി ടി എ പ്രസിഡന്റ് എം ദൗലത് ഷായുടെ അദ്ധ്യക്ഷതയിൽ ചേർന്ന ചടങ്ങ് വാർഡ് കൗൺസിലറും ക്ഷേമകാര്യസ്റ്റാന്റിങ് കമ്മിറ്റി ചെയർപേഴ്സണുമായ സത്യവതി ഉദ്ഘാടനം ചെയ്തു. കോവളം ഉദയ സമുദ്ര സി ഈ ഓ രാജഗോപാൽ അയ്യർ, മുൻ കൗൺസിലറും പൂർവ്വവിദ്യാർത്ഥിയുമായ പനത്തുറ പി ബൈജു, ഡി ജയകുമാർ, തമ്പി കടനട(കോൺഗ്രസ് കരമന ബ്ലോക്ക് ജനറൽ സെക്രട്ടറി) സ്നേഹസ്പർശം ഫൗണ്ടേഷൻ ചെയർമാൻ സുരേഷ് മാധവ്, സ്നേഹസ്പർശം ഫൗണ്ടേഷൻ പ്രസിഡന്റ് ഷിബു സേതുനാഥു, അജിത് വെണ്ണിയൂർ, എന്റെ നാട് ചാരിറ്റി കോർഡിനേറ്റർ ഫൈസൽ അഞ്ചാംകല്ല് തുടങ്ങിയവർ പങ്കെടുത്തു. സ്കൂൾ ഹെഡ്മാസ്റ്റർ പോളിസ്റ്റൺ ഈ പെരേര സ്വാഗതവും സ്റ്റാഫ് സെക്രട്ടറി ഷാരോൺ എൽ സ്റ്റാൻലി നന്ദിയും പറഞ്ഞു. ചടങ്ങിൽ തിരുവനന്തപുരം നഗരസഭ നൽകിയ പഠനോപകരണങ്ങളുടെ വിതരണം കൗൺസിലർ വി സത്യവതി നിർവഹിച്ചു. കോവളം ഉദയസമുദ്ര ബീച്ച് റിസോർട്ട് നൽകിയ പഠനോപകരണങ്ങൾ ഉദയ സമുദ്ര സി ഈ ഓ രാജഗോപാൽ അയ്യർ സ്കൂൾ ഹെഡ്മാസ്റ്റർ പോളിസ്റ്റൺ ഈ പെരേരക്ക് കൈമാറി. കോവളം ഉദയസമുദ്ര ബീച്ച് റിസോർട്ട് നൽകിയ തണൽമരങ്ങൾ സ്കൂൾ വളപ്പിൽ ഉദയസമുദ്ര സി ഈ ഓ രാജഗോപാൽ അയ്യരും കൗൺസിലർ വി സത്യവതിയും ചേർന്ന് നട്ടു. പാച്ചല്ലൂർ സ്നേഹസ്പർശകുട്ടായമയിലെ ഓട്ടോ ഡ്രൈവർമാരും പാച്ചല്ലൂർ പാറവിള എന്റെ നാട് ചാരിറ്റിയും ചേർന്ന് മധുരപലഹാരങ്ങൾ നൽകുകയുംചെയ്തു. സ്കൂളിൽ സി എം കിഡ്സ് സ്കോളർഷിപ്പ് നേടിയ മുഹമ്മദ് ഹനീനെയും അമീന എസിനെയും ചടങ്ങിൽ ആദരിച്ചു.
