പ്രസവശസ്ത്രക്രിയയിൽ പിഴവ്- അന്വേഷണം നടത്തണം മുസ്ലിം ലീഗ്

നെടുമങ്ങാട്:ജില്ലാ ആശുപത്രിയിൽ യുവതിക്ക് പ്രസവ ശസ്ത്രക്രിയ നടത്തിയപ്പോൾ പിഴവ് സംഭവിച്ച കേസിൽ ആരോഗ്യവകുപ്പ് അന്വേഷണം നടത്തി വിദഗ്ധ ചികിത്സയും, നഷ്ടപരിഹാരവും നൽകണമെന്നും അല്ലാത്തപക്ഷം ആശുപത്രിക്ക് മുന്നിൽ ശക്തമായ സമരപരിപാടികൾ സംഘടിപ്പിക്കുമെന്നും
മുസ്ലിം ലീഗ് നെടുമങ്ങാട് മുനിസിപ്പൽ കമ്മിറ്റി യോഗം അധികാരികളോട് ആവശ്യപ്പെട്ടു.
തുടർന്ന് നടന്ന യോഗത്തിൽ പാണക്കാട് സയ്യിദ് മുഹമ്മദലി ശിഹാബ് തങ്ങളുടെയും, മുൻ കേന്ദ്രമന്ത്രിയും, മുസ്ലിംലീഗ് നേതാവുമായിരുന്ന ഈ അഹമ്മദ് സാഹിബിന്റെ അനുസ്മരണം മുനിസിപ്പൽ
കമ്മിറ്റിയുടെ ആഭിമുഖ്യത്തിൽ ലീഗ് ജില്ലാ സെക്രട്ടറി കന്യാകുളങ്ങര ഷാജഹാൻ ഉദ്ഘാടനം ചെയ്തു.
മുനിസിപ്പൽ കമ്മിറ്റി പ്രസിഡന്റ് നെടുമങ്ങാട് എം നസീർ അധ്യക്ഷത വഹിച്ചു.കോ.ഓ പ്പറേറ്റീവ് എംപ്ലോയീസ് ഓർഗനൈസേഷൻ ജില്ലാപ്രസിഡന്റ് ലാൽ ആനപ്പാറ മുഖ്യപ്രഭാഷണം നടത്തി.
പുലിപ്പാറ യൂസഫ്,വഞ്ചുവം ഷറഫ്,കുഴിവിള നിസാമുദ്ദീൻ,അസീം നെടുമങ്ങാട്, സലിം മഞ്ചയിൽ, ഷഫീഖ് ചെറിയ പാലം,ഷൈജു തുടങ്ങിയവർ സംസാരിച്ചു.