കേരള സംസ്ഥാന കമ്മീഷൻ മെമ്പർ സൈഫുദ്ദീൻ എ യുടെ നേതൃത്വത്തിൽ തൃശ്ശൂർ ജില്ലയിൽ 19.11.2015 ഉച്ചയ്ക്ക് 2.00 ന് കളക്ടറേറ്റ് കോൺഫറൻസ് ഹാളിൽ വച്ച് സിറ്റിംഗ് നടത്തുകയുണ്ടായി

കേരള സംസ്ഥാന കമ്മീഷൻ മെമ്പർ സൈഫുദ്ദീൻ എ യുടെ നേതൃത്വത്തിൽ തൃശ്ശൂർ ജില്ലയിൽ 19.11.2015 ഉച്ചയ്ക്ക് 2.00 ന് കളക്ടറേറ്റ് കോൺഫറൻസ് ഹാളിൽ വച്ച് സിറ്റിംഗ് നടത്തുകയുണ്ടായി. സിറ്റിങ്ങിൽ 7 കേസുകൾ പരിഗണിച്ചു 5കേസുകൾ തീർപ്പാക്കി. 2 കേസുകൾ അടുത്ത സിറ്റിങ്ങിലേക്ക് മാറ്റി.
പെരിങ്ങന്നൂർ സ്വദേശിയുടെ പരാതിയിൽ സർക്കാർ തീരുമാനം കൈക്കൊള്ളുന്ന മുറയ്ക്ക് മാത്രമേ ലൈസൻസ് നൽകാൻ കഴിയുള്ളൂഎന്ന് അറിയിച്ച സാഹചര്യത്തിൽ പരാതി തീർപ്പാക്കി. അയ്യന്തോൾ സ്വദേശി തന്റെ പിതാവ് ദാനമായി നൽകിയ വസ്തുവിൽ പണിത പൊതുകിണറിന് തന്റെ പിതാവിന്റെ നാമകരണ ബോർഡ് സ്ഥാപിച്ചു നൽകണമെന്ന ആവശ്യം തൃശൂർ കോർപ്പറേഷൻ അംഗീകരിച്ചു. ടി സാഹചര്യത്തിൽ പരാതി തീർപ്പാക്കി. ടിയാന്റെ മറ്റൊരു പരാതിയായ അമൃതം പദ്ധതിയിൽ ലഭിച്ച കുടിവെള്ള പദ്ധതിയുടെ വൈദ്യുതചാർജ് ഒഴിവാക്കി നൽകണമെന്ന ആവശ്യം ചെമ്പ് കാവ് കേരള വാറ്റർ അതോറിറ്റി പരിഹരിച്ചതിനാൽ പരാതി തീർപ്പാക്കിയിട്ടുണ്ട്. വിദ്യാർത്ഥി സംഘടനയുടെ ന്യുനപക്ഷ സംവരണം നഷ്ടപ്പെടുന്നു എന്ന പരാതിയിൽ ഡയറക്ടർ ജനറൽ, വിദ്യാഭ്യാസ വകുപ്പ് ഉന്നത തല അന്വേഷണം നടത്തണമെന്ന് നിർദ്ദേശിച്ചു പരാതി തീർപ്പാക്കി. HSP വിയ്യൂർ തടവുകാരനായ പരാതിക്കാരനെ ബന്ധുവിന്റെ മരണത്തിൽ പങ്കെടുക്കാൻ എസ്‌ക്കോട്ട് പരോൾ അനുവദിച്ചില്ല എന്ന പരാതിയിൽ കമ്മീഷൻ പരിശോധിക്കുകയും മേലിൽ നിയമാനുസരണം ലഭ്യമാകേണ്ട ഒരാനുകൂല്യവും നഷ്ടപ്പെടരുത് എന്ന് കർശന നിർദേശം ജയിൽ അധികാരികൾക്ക് നൽകി പരാതി തീർപ്പാക്കി.