ശക്തൻ ശക്തനായി തന്നെ തിരുവനന്തപുരം ഡിസിസി പ്രസിഡണ്ടായി തുടരും

തിരുവനന്തപുരം മാത്രമായി പുതിയ ഡിസിസി പ്രസിഡൻ്റിനെ നിയമിക്കാൻ കോൺഗ്രസ് ഹൈക്കമാൻഡ് തീരുമാനിച്ചിട്ട് ഇല്ല. നിലവിൽ താത്കാലിക ഡിസിസി പ്രസിഡൻ്റ് സ്ഥാനത്തുള്ള എൻ. ശക്തൻ, സ്ഥാനം ഒഴിയണമെന്ന് ഇതുവരെയായിട്ടും നേതൃത്വത്തോട് അറിയിച്ചിട്ടില്ല പാലോട് രവി രാജിവെച്ചതിനെ തുടർന്ന് കെപിസിസി വൈസ് പ്രസിഡൻ്റായ ശക്തന് ഡിസിസി പ്രസിഡൻ്റിൻ്റെ ചുമതല നൽകിയിരുന്നു. തദ്ദേശ-നിയമസഭാ തെരഞ്ഞെടുപ്പുകൾക്ക് മുന്നോടിയായി, കേരളത്തിൽ നിലനിൽക്കുന്ന പടലപ്പിണക്കങ്ങൾ പരിഹരിച്ച് സമവായം ഉണ്ടാക്കാനും ഹൈക്കമാൻഡ് നിർദ്ദേശം നൽകിയിട്ടുണ്ട്. ഇതിന്റെ ഭാഗമായി, തദ്ദേശ-നിയമസഭ തിരഞ്ഞെടുപ്പ് ഒരുക്കങ്ങൾക്കായി മുതിർന്ന നേതാക്കളടങ്ങിയ ഒരു പുതിയ കോ-ഓർഡിനേഷൻ സമിതിയെ നിയോഗിക്കുമെന്നും അറിയിച്ചിട്ടുണ്ട്.നിലവിലെ സാഹചര്യത്തിൽ ഡിസിസി പ്രസിഡണ്ടായി തുടരണമെന്ന് ഹൈക്കമാൻഡ് ശക്തനോട് ആവശ്യപ്പെടുകയുണ്ടായി