വിഴിഞ്ഞം മുഹയിദ്ധീൻ പള്ളി ദർഗ്ഗ ഷെരീഫിലെ ഉറുസിന് കൊടിയേറി.ഉറുസിന് തുടക്കം കുറിച്ച് വർണ്ണ ശബളമായ ഘോഷയാത്ര നടന്നു

കോവളം :വിഴിഞ്ഞം മുഹയിദ്ധീൻ പള്ളി ദർഗ്ഗ ഷെരീഫിലെ ഉറുസിന് കൊടിയേറി.ഉറുസിന് തുടക്കം കുറിച്ച് വർണ്ണ ശബളമായ ഘോഷയാത്ര നടന്നു. ഘോഷയാത്രക്ക് ഹാർബർ വാർഡ് കൗൺസിലർ നിസ്സാമുദ്ധീൻ,പ്രസിഡന്റ്‌ എം മുഹമ്മദ് അബ്ദുൽ ഖാദർ, എൻ നാനൂർ കണ്ണ് ഹാജി എന്നിവർ നേതൃത്വം നൽകി. ഘോഷയാത്ര വിഴിഞ്ഞം മുഹയിദ്ധീൻ പള്ളി ദർഗ്ഗ ശെരിഫിൽ എത്തിച്ചേർന്നപ്പോൾ പ്രസിഡന്റ്‌ എം മുഹമ്മദ് അബ്ദുൽ ഖാദർ കൊടിയേറ്റ് കർമ്മം നിർവഹിച്ചു.തുടർന്ന് നടന്ന സമൂഹ പ്രാർത്ഥനക്ക് ചീഫ് ഇമാം അസൈയ്യ്ദ് അബ്ദുൽ ഹക്കീം അൽ ബുഖാരി തങ്ങൾ പട്ടാമ്പി നേതൃത്വം നൽകി.

കൊടിയേറ്റിനും സമൂഹപ്രാർത്ഥനയിലും പങ്കെടുക്കാൻ നിരവധിപേരാണ് വിഴിഞ്ഞം മുഹയിദ്ധീൻ പള്ളി ദർഗ്ഗ ഷെരീഫിൽ എത്തിച്ചേർന്നത്. പ്രഗത്ഭ മതപണ്ഡിതർ നേതൃത്വം നൽകുന്ന മതപ്രഭാഷണ പരമ്പര ഓരോ ദിവസവും വിഴിഞ്ഞം മുഹയിദ്ധീൻ പള്ളി ദർഗ്ഗ ഷെരിഫ് അങ്കണത്തിൽ ഉണ്ടാകും. ഉറുസ് ഒക്ടോബർ 3ആം തിയതി വെളുപ്പിന് പട്ടണപ്രദിക്ഷണത്തോടുകുടിയും തുടർന്ന് നടക്കുന്ന ഹന്തൂരി വിതരണത്തോടുകുടിയും സമാപിക്കും