വിമാനയാത്രക്കാർക്ക് സന്തോഷ വാർത്തയുമായി എയർ ഇന്ത്യ എക്സ്പ്രസ് ‘ഫ്രീഡം സെയിൽ’ പ്രഖ്യാപിച്ചു

ഇന്ത്യയുടെ 79-ാം സ്വാതന്ത്ര്യദിനാഘോഷത്തിന്റെ ഭാഗമായി യുഎഇ ഇന്ത്യ റൂട്ടുകളിലേക്ക് ആകർഷകമായ ഓഫറുകളാണ് എയർലൈൻ പ്രഖ്യാപിച്ചിരിക്കുന്നത്. ഇനി ഓഫർ പ്രകാരം യുഎഇയിൽ നിന്ന് ഇന്ത്യയിലേക്കുള്ള വൺ വേ ടിക്കറ്റുകൾ 53 ദിർഹം മുതൽ സ്വന്തമാക്കാം.
ഇന്ത്യയിലേക്ക് യാത്ര ചെയ്യാൻ ആഗ്രഹിക്കുന്നവർക്ക് വളരെ കുറഞ്ഞ നിരക്കിൽ വിമാന ടിക്കറ്റുകൾ ലഭിക്കുന്നു. ആഭ്യന്തര വിമാന ടിക്കറ്റുകൾക്ക് 1279 രൂപയും അന്താരാഷ്ട്ര റൂട്ടുകളിൽ 4279 രൂപയും മുതലാണ് ടിക്കറ്റ് നിരക്ക് ആരംഭിക്കുന്നത്. കൂടാതെ യുഎഇയിൽ നിന്ന് ഇന്ത്യയിലേക്കുള്ള വിമാനങ്ങൾക്ക് 53 ദിർഹം മുതലുള്ള നിരക്കും ഇതിൽ ഉൾപ്പെടുന്നു.