കായിക പ്രവർത്തനങ്ങളിലൂടെ ലഹരിയിൽ നിന്ന് അകറ്റുന്നതിനായി നെയ്യാറ്റിൻകര എക്സൈസ് റെയിഞ്ച് വിപുലമായ പരിപാടി സംഘടിപ്പിച്ചു
എക്സൈസ് ബോധവൽക്കരണ വിഭാഗമായ വിമുക്തി മിഷൻ്റെ നേതൃത്വത്തിൽ വിദ്യാർത്ഥികളെ കായിക പ്രവർത്തനങ്ങളിലൂടെ ലഹരിയിൽ നിന്ന് അകറ്റുന്നതിനായി നെയ്യാറ്റിൻകര എക്സൈസ് റെയിഞ്ച് വിപുലമായ പരിപാടി സംഘടിപ്പിച്ചു.
അസിസ്റ്റന്റ് എക്സൈസ് ഇൻസ്പെക്ടർ (ഗ്രേഡ്) ആർ. രാജേഷ് കുമാർയുടെ നേതൃത്വത്തിൽ ബാലരാമപുരം ഹൈസ്കൂളിലെ വിദ്യാർത്ഥികളെ ഉൾപ്പെടുത്തി വിമുക്തി വോളീബാൾ ടീം രൂപീകരിക്കുകയും, ടീമിന് ആവശ്യമായ സ്പോർട്സ് കിറ്റുകളും ജേഴ്സികളും വിതരണം ചെയ്യുകയും ചെയ്തു.
പരിപാടിയിൽ സ്കൂൾ ഹെഡ്മാസ്റ്റർ സുനിൽകുമാർ, വിമുക്തി ക്ലബ് കോ-ഓർഡിനേറ്റർ സുജസിവിൽ, സിവിൽ എക്സൈസ് ഓഫീസർ ലാൽ കൃഷ്ണ, അനീഷ്, സുനിൽ പോൾ ജെയിൻ, വനിതാ സിവിൽ എക്സൈസ് ഓഫീസർ ശ്രീജ, ഹരിത മോഹൻ എന്നിവർ പങ്കെടുത്തു.
വിദ്യാർത്ഥികളെ കായിക ലഹരിയിലേക്ക് നയിച്ച് ലഹരി വിമുക്തമായ ജീവിതശൈലി വളർത്തുക എന്നതാണ് വിമുക്തി മിഷന്റെ ലക്ഷ്യമെന്ന് പരിപാടിയിൽ സംസാരിച്ചവർ അറിയിച്ചു.