2026 ലെ ലോക കേരള സഭയിലേക്ക് പ്രതിനിധിയായി റാന്നിയിൽ നിന്നും ഡയസ് ഇടിക്കുള തെരെഞ്ഞടുക്കപ്പെട്ടു
പ്രവാസി മലയാളികളുടെ ശബ്ദം, നയരൂപീകരണ പ്രക്രീയയിലെത്തിയ്ക്കുന്ന കേരളത്തിൻ്റെ പൊതു ജനാധിപത്യ വേദിയായ ലോക കേരള സഭയിലേക്ക് പ്രതിനിധിയായി റാന്നിയിൽ നിന്നും ഡയസ് ഇടിക്കുള തെരെഞ്ഞടുക്കപ്പെട്ടു.
വേൾഡ് മലയാളി കൗൺസിലിൻ്റെ യു.എ.ഇ – ലെ നേതൃ നിരയിൽ പ്രവർത്തിയ്ക്കുന്ന ഡയസ് ഇടിക്കുള, യു.എ.ഇ – ലെ വിവിധ പ്രവാസി സംഘടനകളുടെ സാരഥിയും, തിരുവിതാംകൂർ ചരിത്ര ഗവേഷകനും, റാന്നി സെൻ്റ് തോമസ് കോളജ് മുൻ യൂണിവേഴ്സിറ്റി യൂണിയൻ കൗൺസിലറും, കേരളാ കോൺഗ്രസ് (എം) സംസ്ഥാന കമ്മിറ്റിയംഗവും, ഡൺസ്റ്റർ ബിസിനസ് സ്കൂൾ, സ്വിറ്റ്സർലൻഡ് ഗുഡ്വിൽ അംബാസിഡറുമായി പ്രവർത്തിയ്ക്കുന്നു.
പ്രവാസി സമൂഹത്തെ ഭരണ നിർവ്വഹണത്തിലും വികസന പ്രക്രിയയിലും സജീവമായി പങ്കാളികളാക്കുന്ന ലോക കേരള സഭയുടെ അഞ്ചാം സമ്മേളനം 2026 ജനുവരി 29, 30, 31 തീയതികളിൽ തിരുവനന്തപുരത്ത് നടക്കും.
കേരള നിയമ സഭാ മന്ദിരത്തിലെ ആർ. ശങ്കര നാരായണൻ തമ്പി ഹാളിൽ, 125 രാജ്യങ്ങളിലെ പ്രവാസി മലയാളി പ്രതിനിധികൾ പങ്കെടുക്കുന്ന സമ്മേളനം കേരളാ മുഖ്യമന്ത്രി ശ്രീ. പിണറായി വിജയൻ ഉദ്ഘാടനം ചെയ്യും. ഏഴ് മേഖല അടിസ്ഥാന ചർച്ചകളും, എട്ട് വിഷയാടിസ്ഥാന ചർച്ചകളും സമ്മേളനത്തോടനുബന്ധിച്ചു നടക്കും.