തൃശൂർ: കേരള ആരോഗ്യ ശാസ്ത്ര സർവ്വകലാശാല കെ യൂ എച്ച് എസ് വിദ്യാർത്ഥി യൂണിയൻ 2025-26 സത്യപ്രതിജ്ഞ സർവ്വകലാശാല ആസ്ഥാനത്ത് വച്ച് 2026 ഫെബ്രുവരി 18 ന് നടത്തുക ഉണ്ടായി. വൈസ് ചാൻസലർ പ്രൊഫ.ഡോ.മോഹനൻ കുന്നുമ്മൽ പരിപാടി ഉദ്ഘാടനവും വിദ്യാർത്ഥി യൂണിയൻ ഭാരവാഹികളുടെ സത്യപ്രതിജ്ഞ ചൊല്ലി കൊടുക്കുകയുമുണ്ടായി. പ്രൊ വൈസ് ചാൻസലർ പ്രൊഫ. ഡോ.സി.പി വിജയൻ അദ്ധ്യക്ഷത വഹിച്ചു. രജിസ്ട്രാർ പ്രൊഫ. ഡോ.ഗോപകുമാർ എസ്, പരീക്ഷ കൺട്രോളർ പ്രൊഫ. ഡോ.എസ് അനിൽകുമാർ, ഫിനാൻസ് ഓഫീസർ ശ്രീ സുധീർ എം എസ്, വിദ്യാർത്ഥികാര്യ ഡീൻ ഡോ ആശിഷ് ആർ, അക്കാദമിക് സ്റ്റാഫ് കോളേജ് ഡയറക്ടർ ഡോ.വി.വി ഉണ്ണികൃഷ്ണൻ, വിദ്യാർത്ഥി യൂണിയൻ ചെയർപേഴ്സൺ ആരതി ശിവദാസ് സി, ജനറൽ സെക്രട്ടറി മുഹമ്മദ് നസീബ് സി ടി എന്നിവർ പങ്കെടുത്തു സംസാരിച്ചു.