സിനിമയിലെ രാവു റങ്ങാതെ എന്ന ഗാനം ഗാനം യൂട്യൂബിൽ തരംഗമാകുന്നു
തിരുവനന്തപുരം: സംഗീതപ്രേമികളുടെ കാത്തിരിപ്പിന് വിരാമമിട്ട് പ്രശസ്ത ഗായകനും സംഗീത സംവിധായകനുമായ ശരത്തിന്റെ തിരിച്ചുവരവ് അടയാളപ്പെടുത്തിയ ‘മഴവിൽ കനവുകൾ’ എന്ന ചിത്രത്തിലെ ‘രാവുറങ്ങാതെ’ എന്ന ഗാനം യൂട്യൂബിൽ തരംഗമാകുന്നു. ഫിലിം ക്ലബ്ബ് യൂട്യൂബ് ചാനലിലൂടെ പുറത്തിറങ്ങിയ ഗാനം റിലീസ് ചെയ്ത് 72 മണിക്കൂറിനുള്ളിൽ ഒരു ലക്ഷത്തിലധികം കാഴ്ചക്കാരെ സ്വന്തമാക്കിയാണ് മുന്നേറുന്നത്. ദീർഘകാലത്തെ ഇടവേളയ്ക്ക് ശേഷമുള്ള ശരത്തിന്റെ വേറിട്ട ആലാപനവും പ്രശസ്ത എഴുത്തുകാരൻ ദീപു ആർ. എസ്. ചടയമംഗലത്തിന്റെ കാവ്യാത്മകമായ വരികളും പ്രേക്ഷകർക്ക് മികച്ചൊരു ശ്രവ്യാനുഭവമാണ് സമ്മാനിക്കുന്നത്.
കലാനിധി സെന്റർ ഫോർ ഇന്ത്യൻ ആർട്സ് ആൻഡ് കൾച്ചറൽ ഹെറിറ്റേജ് ട്രസ്റ്റ് അംഗമായ എസ്. എസ്. ജിഷ്ണു ദേവ് ആണ് ചിത്രത്തിന്റെ സംവിധാനവും ഗാനത്തിന്റെ ദൃശ്യാവിഷ്കാരവും നിർവഹിച്ചിരിക്കുന്നത്. ജീവിതത്തിൽ നേരിടേണ്ടി വരുന്ന പ്രതിസന്ധികളെ ധൈര്യപൂർവ്വം നേരിട്ട് മുന്നോട്ട് പോകുന്ന ശക്തയായ ഒരു സ്ത്രീയുടെ അതിജീവന കഥ പറയുന്ന ചിത്രമാണ് ‘മഴവിൽ കനവുകൾ’. വരികളിലെ ആഴവും ഈണത്തിലെ പുതുമയും സംവിധായകന്റെ മികച്ച ദൃശ്യാവിഷ്കാരത്തോടൊപ്പം ചേർന്നപ്പോൾ ഗാനം ഇതിനോടകം തന്നെ സോഷ്യൽ മീഡിയയിൽ വലിയ രീതിയിൽ പ്രശംസിക്കപ്പെട്ടു കഴിഞ്ഞു.
പുഷ്കാസ് പ്രൊഡക്ഷന്റെ ബാനറിൽ ബീന കാവേരി നിർമ്മിച്ച ഈ ചിത്രത്തിന് ഗീതാ രാജേന്ദ്രൻ (കലാനിധി) സാങ്കേതിക സഹായം നൽകിയിരിക്കുന്നു. ബീന കാവേരി, നിവേദിത, അഭിഷേക് ശ്രീകുമാർ, പ്രിൻസ് ജോൺസൻ, ജലതാ ഭാസ്കരൻ, ടി. സുനിൽ പുന്നക്കാട്, ശ്രേയസ്, അരുൺ കുമാർ എസ്. എസ്. എന്നിവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്. ചിത്രത്തിന്റെ പബ്ലിസിറ്റി ഡിസൈൻ പ്രജിൻ ഡിസൈൻസും പി.ആർ.ഒ ചുമതല അജയ് തുണ്ടത്തിലുമാണ് കൈകാര്യം ചെയ്തിരിക്കുന്നത്.