തിരുവനന്തപുരം: അന്തരിച്ച ചലച്ചിത്ര സംവിധായകൻ ലെനിൻരാജേന്ദ്രൻ്റെ സ്മരണാർത്ഥം കലാനിധി സെൻ്റർ ഫോർ ഇന്ത്യൻ ആർട്സ് ആൻ്റ് കൾച്ചറൽ ഹെറിറ്റേജ് ട്രസ്റ്റ് ഏർപ്പെടുത്തിയ പ്രഥമ ലെനിൻരാജേന്ദ്രൻ സ്മൃതി പുരസ്ക്കാരം ചലച്ചിത്ര താരം പ്രേംകുമാറിന്. 25000 രൂപയും പ്രശസ്തിപത്രവും ശില്പവും അടങ്ങുന്നതാണ് പുരസ്ക്കാരം. ഇന്ന് വൈകിട്ട് 4ന് സിനിമ തറവാട്ടിലെ കാരണവർ പത്മശ്രീ മധു പുരസ്ക്കാരം സമ്മാനിക്കുമെന്ന് കലാനിധി ചെയർപേഴ്സൺ ഗീതാ രാജേന്ദ്രൻ അറിയിച്ചു. ചടങ്ങിൽ രാജൻ ശ്രീധരനും മനു വി. കുമാറും ചേർന്ന് സംവിധാനം ചെയ്ത എൻ്റെ ജീവിത നൊമ്പരങ്ങൾ എന്ന സിനിമയുടെ പോസ്റ്റർ പ്രകാശനം പ്രേംകുമാർ നിർവഹിക്കും