തിരുവനന്തപുരം: പോങ്ങുമൂട് ഗൗരി നഗർ ‘നാരായണീയ’ത്തിൽ ഡോ. നാരായണമൂർത്തി (78) അന്തരിച്ചു. കേന്ദ്ര കിഴങ്ങുവർഗ്ഗ വിള ഗവേഷണ കേന്ദ്രത്തിലെ (CTCRI) മുൻ പ്രിൻസിപ്പൽ സയന്റിസ്റ്റായിരുന്നു.
ഐ.ഐ.ടി കാൺപൂരിൽ നിന്ന് ഡോക്ടറേറ്റ് കരസ്ഥമാക്കിയ ശേഷമാണ് സർവീസിൽ പ്രവേശിച്ചത്. എ.സി.സി.റ്റി.ഐ (ACCTI) ലൈഫ് ടൈം അച്ചീവ്മെന്റ് അവാർഡ്, എ.സി.സി.റ്റി ഫെലോഷിപ്പ് അവാർഡ്, ഹരി ഓം ട്രസ്റ്റ് അവാർഡ് തുടങ്ങി പത്തോളം പ്രമുഖ പുരസ്കാരങ്ങൾ നേടിയിട്ടുണ്ട്. യു.എസ്.എയിലെ സ്റ്റാൻഫോർഡ് യൂണിവേഴ്സിറ്റി തയ്യാറാക്കിയ ലോകത്തിലെ മികച്ച രണ്ട് ശതമാനം ശാസ്ത്രജ്ഞരുടെ പട്ടികയിലും അദ്ദേഹം ഇടം നേടിയിരുന്നു. നിരവധി ഗവേഷണ പ്രബന്ധങ്ങളും പുസ്തകങ്ങളും പ്രസിദ്ധീകരിച്ചിട്ടുണ്ട്.
ഭാര്യ: രാജലക്ഷ്മി.
മക്കൾ: കൗശിക് (USA), ലക്ഷ്മണൻ (Dubai).
മരുമക്കൾ: വിശാഖ (USA), ശ്രീരഞ്ജിനി (Dubai).
കൊച്ചുമക്കൾ: നിവേദ (USA), മേധ (Dubai), നന്ദിക (USA), നാഗരാജൻ (Dubai).
ഭൗതികശരീരം വെള്ളിയാഴ്ച രാവിലെ 8 മണിക്ക് പോങ്ങുമൂടുള്ള വസതിയിൽ എത്തിക്കുകയും കർമങ്ങൾക്ക് ശേഷം കരമന ശ്മശാനത്തിൽ സംസ്കാരം നടത്തുന്നതുമാണ്.