പ്രാവുകളെന്ന് കേൾക്കുമ്പോൾ ആദ്യം ഓർമയിലെത്തുക അമ്പലങ്ങളിലും പള്ളിക ളിലും നഗരങ്ങളിലും ഒരുപോലെ കാണാറുള്ള ഒരു കൂട്ടം നീല പ്രാവുകളെയാണ്. ഗൂർ… ഗൂർ… എന്ന ശബ്ദത്തോടെ സജീവമാക്കുന്ന ഇവയെ അമ്പലപ്രാവ്, മാടപ്രാവ് എന്നെല്ലാം വിളിക്കാറുണ്ട്. എന്നാൽ ഇവയെക്കൂടാതെ 𝟭𝟮-ഇനം പ്രാവുകളുണ്ട് കേരളത്തിൽ. അതിൽ കൂടുതലും സ്ഥിരവാസികളുമാണ്.
ഇക്കൂട്ടത്തിൽപ്പെടുന്ന മിക്കയിനങ്ങളെയും കേരളത്തിലെ എല്ലാ കാടുകളിലും, കാടിനോട് ചേർന്നുള്ള പ്രദേശങ്ങളിലും കാണാറുണ്ട്. എന്നാൽ ചിലയിനങ്ങളെ എല്ലായിടത്തും അങ്ങനെ കാണാറില്ല. ഇക്കൂട്ടത്തിലൊന്നാണ് ചെമ്പൻ ചെങ്ങാലിപ്രാവെന്ന 𝗥𝗘𝗗 𝗖𝗢𝗟𝗟𝗔𝗥𝗘𝗗 𝗗𝗢𝗩𝗘. ഇവിടെ കാണാറുള്ള മറ്റ് പ്രാവിനങ്ങളെ അപേക്ഷിച്ച് കാഴ്ചയിൽ വളരെ കുഞ്ഞനാ ണിവൻ.ഇതുതന്നെയാണ് സാമ്യംതോന്നാ വുന്ന പ്രാവിനങ്ങളിൽനിന്ന് ഇവയെ തിരിച്ചറിയാൻ സഹായിക്കുന്നതും.
ഇരുണ്ട ചെമ്പൻ നിറമുള്ള മുകൾഭാഗ
വും‚ നീലനിറം കലർന്ന ചാരനിറമുള്ള തലയു മാണ് ഇവയ്ക്ക്. ഇവയിലെ ആൺപക്ഷിക ളെ പെട്ടെന്ന് തിരിച്ചറിയാൻ സഹായിക്കും. പിൻകഴുത്തിൽ കോളർപോലെ തോന്നി പ്പിക്കുന്ന കറുപ്പുനിറമുള്ള വരയുമുണ്ട്. എന്നാലിങ്ങനെ പിൻകഴുത്തിൽ കറുപ്പുവരയുള്ള മറ്റൊരു പ്രാവിനത്തെയും കേരളത്തിൽ കാണാറുണ്ട്. പൊട്ടൻ ചെങ്ങാലിപ്രാവെന്ന 𝗘𝗨𝗥𝗔𝗦𝗜𝗔𝗡 𝗖𝗢𝗟𝗟𝗔𝗥𝗘𝗗 𝗗𝗢𝗩𝗘 ആണത്. ഇവയ്ക്ക് കാഴ്ചയിൽ ചെമ്പൻ ചെങ്ങാലിപ്രാവിനെക്കാൾ വലുപ്പം കൂടുതലു ണ്ട്. ഇവയിലെ ആൺപക്ഷികളുടെ മുകൾ ഭാഗത്തിന് മണലിന്റെ നിറവുമാണ്. അതു കൊണ്ടുതന്നെ കഴുത്തിൽ കറുപ്പുവരയു ണ്ടെങ്കിലും ഇവയിലെ ആൺപക്ഷികളെ തമ്മിൽ മാറിപ്പോവാറില്ല. എന്നാൽ ഈയിന ങ്ങളിലെ പെൺപക്ഷികൾക്ക് വളരെയധികം സാമ്യമുണ്ട്. കാഴ്ചയിൽ ചെമ്പൻ ചെങ്ങാലി പ്രാവിനുള്ള കുഞ്ഞൻ രൂപമാണ് പെൺപ ക്ഷികളെ തമ്മിൽ വേർതിരിച്ചറിയാൻ സഹായിക്കുന്ന ഒരടയാളം. മാത്രമല്ല ചെമ്പ ന്റെ അടിഭാഗത്തിന് മങ്ങിയ ചാരനിറമാണ്.
കേരളത്തിൽ ആലപ്പുഴയ്ക്കു സമീപമുള്ള ഹരിപ്പാടുഭാഗമാണ് ഇവയെ സ്ഥിരമായി കാണാറുള്ള ഒരിടം. 𝟮𝟬𝟭𝟰-ൽ ഇവിടെ നിന്നുത ന്നെയാണ് ചെമ്പൻ ചെങ്ങാലിപ്രാവിനെ ആദ്യമായി കണ്ടെത്തുന്നതും. തൃശ്ശൂർ കോൾപ്പാടം, കണ്ണൂർ കാട്ടാമ്പള്ളി‚ ഏഴോം എന്നിവിടങ്ങളിലെല്ലാം ഇവയെ കണ്ടെത്തി യിട്ടുണ്ട്. ആലപ്പുഴയിൽ 𝟭𝟳 എണ്ണംവരെ വരുന്ന കൂട്ടങ്ങളെ മുമ്പ് കാണാറുണ്ട്. എന്നിരുന്നാലും അയൽ സംസ്ഥാനങ്ങളായ കർണാടകയെയും, തമിഴ്നാടിനെ യും അപേ ക്ഷിച്ച് കുറവായേ ഇവിടെനിന്നും കണ്ടെത്താ റുള്ളൂ. ഉത്തരേന്ത്യൻ സംസ്ഥാനങ്ങളിലും സജീവ സാന്നിധ്യമാണ് ഈയിനം പ്രാവുകൾ. ഇവിടങ്ങളിൽ ഇവ കൂടുകൂട്ടി കുഞ്ഞുങ്ങളെ വിരിയിക്കാറുള്ള തായും റിപ്പോർട്ടു കളുണ്ട്. എന്നാൽ കേരളത്തിലിതു വരെ ഇവ പ്രജനനം നടത്തിയതായി വിവരങ്ങളൊന്നുമില്ല. ഇന്ത്യയ്ക്കു പുറമേ നേപ്പാൾ, മ്യാൻമാർ, തായ്ലാൻഡ്, ഫിലിപ്പീൻസ് തുടങ്ങിടങ്ങളിലെല്ലാം ഈയിന ത്തിൽപ്പെട്ട പക്ഷികളെയും ഉപജാതികളെയും കണ്ടെത്തിയിട്ടു ണ്ട്. ഇവയിൽ കൂടുതലും ഇവിടങ്ങളിൽ സ്ഥിരവാ സികളുമാണ്.