കടയ്ക്കാവൂർ : ദേശീയബാലതരംഗം വർക്കല താലൂക്ക് തല ശലഭമേളയിൽ വിവിധ കലാ മത്സരങ്ങളിൽ വിജയികൾക്കായവർക്കുള്ള സമ്മാനദാനം നിലയ്ക്കാമുക്ക് ഇന്ദിര ഓഡിറ്റോറിയത്തിൽ നടന്ന ചടങ്ങിൽ വച്ച് ദേശീയ ബാലതരംഗം ചെയർമാൻ മുൻഎംഎൽഎ അഡ്വ. റ്റി. ശരത്ചന്ദ്രപ്രസാദ് നിർവഹിച്ചു. എം. എച്ച്. സുലൈമാൻ, എം. ജഗേന്ദ്രൻ, സുരേഷ് ബാബു, ഷാനവാസ് ശാസ്തവട്ടം, ബിജി ഉണ്ണി, വത്സല, ആദിൽ ഇഷാൻ, സാഹിയ തുടങ്ങിയവർ നേതൃത്വം നൽകി. വിവിധ മത്സരങ്ങളിൽ വിജയിച്ച മുന്നൂറോളം വിദ്യാർത്ഥികൾ സമ്മാനങ്ങൾ ഏറ്റുവാങ്ങി.
ഫെഡറേഷൻ ഓഫ് വർക്കിംഗ് ജേണലിസ്റ്റ് കേരള മാധ്യമ സെമിനാർ നവംബറിൽ . . തിരുവനന്തപുരം : ഫെഡറേഷൻ ഓഫ് വർക്കിംഗ് ജേർണലിസ്റ്റ് കേരള തിരുവനന്തപുരം ജില്ല കമ്മറ്റി സംഘടിപ്പിക്കുന്ന മാധ്യമ സെമിനാർ നവംബർ ആദ്യവാരത്തിൽ നെയ്യാറ്റിൻകരയിൽ നടക്കും . മന്ത്രിമാർ ,,എംഎൽഎമാർ, വിവിധ ട്രേഡ് യൂണിയൻ നേതാക്കൾ , സംഘടനാ സംസ്ഥാന നേതാക്കൾ തുടങ്ങിയവരെ പങ്കെടുപ്പിക്കാനും പേട്ട യംഗ്സ്റ്റേഴ്സ് ക്ലബ്ബിൽ കൂടിയ ജില്ലാ കമ്മിറ്റി യോഗം തീരുമാനിച്ചു .. ജില്ലാ പ്രസിഡണ്ട് . പി. എം. ഷാജിയുടെ അധ്യക്ഷതയിൽ ചേർന്ന യോഗം സംസ്ഥാന പ്രസിഡണ്ട് എ പി . ജിനൻ ഉദ്ഘാടനം ചെയ്തു .സംസ്ഥാന ജനറൽ സെക്രട്ടറി പോളി വടക്കൻ എറണാകുളം സംഘടനാ കാര്യങ്ങൾ വിശദീകരിച്ചു. നിലവിലെ ജില്ലാ കമ്മിറ്റി വിപുലീകരിക്കാനും പ്രതിമാസം ഒരുതവണ കമ്മറ്റി കൂടുവാനും മാസാന്തര പ്രോഗ്രാമായി ജില്ലയിലെ വിവിധ ഭാഗങ്ങളിൽ പ്രോഗ്രാമുകൾ സംഘടിപ്പിക്കാനും യോഗം തീരുമാനിച്ചു: സംസ്ഥാന സർക്കാരിന്റെ കീഴിലുള്ള സാംസ്കാരിക വകുപ്പിന്റെ അധ്യക്ഷന്മാരെ പങ്കെടുപ്പിച്ച് പ്രോഗ്രാം സംഘടിപ്പിക്കാനും അതിനായി കമ്മറ്റിയംഗം നെയ്യാറ്റിൻകര കൃഷ്ണനെ ചുമതലപ്പെടുത്തുകയും ചെയ്തു . സംഗീത നാടക അക്കാദമി ചെയർമാൻ പിന്നണി ഗായകൻ ജി. വേണുഗോപാലിനെ ആദ്യ പ്രോഗ്രാമിൽ പങ്കെടുപ്പിക്കുവാനും യോഗം തീരുമാനിച്ചു. ജില്ലാ കമ്മിറ്റിയുടെ തീരുമാനങ്ങൾ സംസ്ഥാന കമ്മിറ്റിയുടെ അനുമതിയോട് മാത്രമേ നടപ്പിലാക്കാവു എന്നും യോഗം തീരുമാനിച്ചു. സംസ്ഥാന ട്രഷറർ ശ്രീലക്ഷ്മി ശരൺ , ഓർഗനൈസിംഗ് സെക്രട്ടറി രാജൻ വി പൊഴിയൂർ, സെക്രട്ടറിമാരായ എ. അബൂബക്കർ ,ബൈശി വർക്കല ,വൈസ് പ്രസിഡന്റുമാരായ അനീഷ് ലാലാജി, മഹമൂദിയ തൃശ്ശൂർ. സംസ്ഥാന സമിതി അംഗങ്ങളായ സുനിൽ ദത്ത് സുകുമാരൻ , നെയ്യാറ്റിൻകര കൃഷ്ണൻ ജില്ലാ സെക്രട്ടറി ബി ബി സാജൻ തുടങ്ങിയവർ പ്രസംഗിച്ചു. ജില്ലാ ജനറൽ സെക്രട്ടറി ഷൈൻ എസ് വർക്കല സ്വാഗതവും , സെക്രട്ടറി അജ്മൽ ഖാൻ നന്ദിയും രേഖപ്പെടുത്തി