രണ്ടാമത് നാടകോത്സവത്തിന് അരങ്ങൊരുങ്ങുന്നു; ലോഗോ എ.കെ. ആന്റണി പ്രകാശനം ചെയ്തു*

_കേരളത്തിലെ പ്രൊഫഷണൽ നാടകവേദിയിൽ ഒരു നാടകത്തിന് നൽകുന്ന ഏറ്റവും ഉയർന്ന സമ്മാനത്തുകയാണ് ഒന്നാം സ്ഥാനം നേടുന്ന നാടകത്തിന് ലഭിക്കുക_Ω

തിരുവനന്തപുരം: 2026 ഒക്ടോബർ 8 മുതൽ 14 വരെ അയ്യങ്കാളി ഹാളിൽ നടക്കുന്ന രണ്ടാമത് നാടകോത്സവത്തിന്റെ ലോഗോ കെ.പി.സി.സി. ഓഫീസിൽ നടന്ന ചടങ്ങിൽ മുതിർന്ന

കോൺഗ്രസ് നേതാവ് ശ്രീ. എ. കെ. ആന്റണി പ്രകാശനം ചെയ്തു. പ്രശസ്ത സിനിമാതാരം ശ്രീലത നമ്പൂതിരി ലോഗോ ഏറ്റുവാങ്ങി.

√

കേരളത്തിലെ പ്രൊഫഷണൽ നാടകവേദിക്ക് കൂടുതൽ പ്രാധാന്യവും പ്രേക്ഷകശ്രദ്ധയും ലഭ്യമാക്കുക, മികച്ച നാടകപ്രവർത്തകരെയും കലാകാരന്മാരെയും പ്രോത്സാഹിപ്പിക്കുക എന്നീ ലക്ഷ്യങ്ങളോടെയാണ് രണ്ടാമത് നാടകോത്സവം സംഘടിപ്പിക്കുന്നത്. വിവിധ പ്രൊഫഷണൽ നാടക സംഘങ്ങളുടെ അവതരണങ്ങളും അനുബന്ധ പരിപാടികളും നാടകോത്സവത്തിന്റെ ഭാഗമായി നടക്കും.

ചടങ്ങിൽ സംസ്കാര സാഹിതി സംസ്ഥാന ചെയർമാൻ സി.ആർ. മഹേഷ് എം.എൽ.എ, ജില്ലാ ചെയർമാൻ പൂഴനാട് ഗോപൻ, സംസ്ഥാന വർക്കിംഗ് ചെയർമാൻ എൻ. വി. പ്രദീപ് കുമാർ, സംസ്ഥാന വൈസ് ചെയർമാൻ കെ. ആർ. ജി. ഉണ്ണിത്താൻ, സംസ്ഥാന സെക്രട്ടറി മണ്ണാംമൂല രാജേഷ്, സംസ്ഥാന കമ്മിറ്റി അംഗങ്ങളായ ഡോ. പ്രകാശ് പ്രഭാകർ, സത്യദാസ് പൊന്നെടുത്താംകുഴി, ജില്ലാ കൺവീനർ ഒ. എസ്. ഗിരീഷ്, ജില്ലാ ഭാരവാഹികളായ ഡോ. ആർ. എസ്. പ്രദീപ്, അലി സാബ്രിൻ, വിഷ്ണു ജെ.ജെ, ശ്രീകാന്ത് ടി. ആർ. നായർ, ചന്ദ്രഭാനു സാഹിതി, പൂവച്ചൽ റിനു, ലാലു പോൾ, അനിൽ നെടുംകോട്, പെരിങ്ങൂർ സുഭാഷ്, മനുപാൽ എന്നിവരും ചടങ്ങിൽ സന്നിഹിതരായിരുന്നു.

_ഒന്നാം സമ്മാനമായി ₹55,555_

നാടകോത്സവത്തിൽ ഒന്നാം സ്ഥാനം നേടുന്ന നാടകത്തിന് 55,555 രൂപയും പുരസ്കാരവും സമ്മാനിക്കും. കേരളത്തിലെ പ്രൊഫഷണൽ നാടകവേദിയിൽ ഒരു നാടകത്തിന് നൽകുന്ന ഏറ്റവും ഉയർന്ന സമ്മാനത്തുകയെന്ന പ്രത്യേകതയും ഈ പുരസ്കാരത്തിനുണ്ട്. കൂടാതെ വിവിധ വിഭാഗങ്ങളിലായി നിരവധി പുരസ്കാരങ്ങളും സമ്മാനിക്കും.

ഒക്ടോബർ 8 മുതൽ 14 വരെ അയ്യങ്കാളി ഹാളിൽ നടക്കുന്ന നാടകോത്സവം നാടകപ്രേമികൾക്കും കലാസാംസ്കാരിക രംഗത്തെ പ്രവർത്തകർക്കും ശ്രദ്ധേയമായ വേദിയായി മാറും.