തിരുവനന്തപുരം: വരുന്ന തിരുവോണ നാളിൽ സംഗീതപ്രേമികൾക്ക് വേറിട്ടൊരു ഓണസമ്മാനവുമായി ‘വേടപുലരി’ എന്ന പുതിയ ആൽബം എത്തുന്നു. കേരളീയ തനിമയും ഗ്രാമീണ പ്രകൃതിയുടെ വിശുദ്ധിയും ആവാഹിച്ചൊരുക്കിയ ഈ ഓണം ആൽബത്തിന്റെ വർണ്ണാഭമായ ഔദ്യോഗിക പോസ്റ്റർ 24/08/2026-ന് പ്രശസ്ത കലാകാരനും കലാനിധി അംഗവുമായ ഉണ്ണി കൃഷ്ണന്റെ (ഉണ്ണി ഭാസുരി) ഫേസ്ബുക്ക് പേജിലൂടെ പുറത്തിറങ്ങി.
കലാനിധി അംഗവും ഗാനരചയിതാവുമായ പ്രമോദ് കാപ്പാട് രചനയും സംവിധാനവും നിർവ്വഹിച്ചിരിക്കുന്ന ‘വേടപുലരി’ക്ക് പ്രശസ്ത സംഗീത സംവിധായകനും ഗായകനും കലാനിധി രക്ഷധികാരിയുമായ ഡോ. കാഞ്ഞങ്ങാട് രാമചന്ദ്രനാണ് ഈണം നൽകിയിരിക്കുന്നത്. ബീനാജി നിർമ്മിച്ചിരിക്കുന്ന ഈ സംഗീത ഉപഹാരം അൽക്ക പ്രൊഡക്ഷൻസും (Alkka Productions) കലാനിധിയും (Kalanidhi) ചേർന്നാണ് പുറത്തിറക്കുന്നത്. കലാനിധി ബാല കലാ പ്രതിഭയും കൂട്ടി തെയ്യം കെട്ടി സോഷ്യൽ മീഡിയയിലും മിനിസ്ക്രീൻ താരവുമായ മാസ്റ്റർ നിരഞ്ജൻ മനിയേരി, കലാനിധി പ്രതിഭയും മിനിസ്ക്രീൻ, സോഷ്യൽ മീഡിയ താരവുമായ ആവണി ആവൂസ് മാണ് പ്രധാനവേക്ഷങ്ങളിൽ എത്തുന്നത്. സിനിമ- നാടക രംഗത്തെ പ്രകാശ് ചെങ്ങൽ, ബീനാജി എന്നിവരും കലാനിധി യിലെ അമ്പതിൽ പ്പരം പ്രതിഭകളും ചേർന്നോരുക്കുന്ന ദൃശ്യ-ശ്രവ്യ വിസ്മയ ആൽബം വേടപ്പുലരി
തിരുവോണ നാളായ ഓഗസ്റ്റ് 26-ന് ബുധനാഴ്ച വൈകുന്നേരം 7 മണിക്ക് മുൻ സംസ്ഥാന പോലീസ് മേധാവിയും കേരള റിയൽ എസ്റ്റേറ്റ് റെഗുലേറ്ററി അതോറിറ്റി അംഗവുമായ ഡോ. ബി. സന്ധ്യ IPS തന്റെ ഔദ്യോഗിക ഫേസ്ബുക്ക് പേജിലൂടെ ‘വേടപുലരി’ ലോകമെമ്പാടുമുള്ള ആസ്വാദകർക്കായി റിലീസ് ചെയ്യും.
പ്രകാശ് വാടിക്കൽ പ്രൊഡക്ഷൻ ഡിസൈനർ ,ആലാപനം രാഖി രാമചന്ദ്രൻ , ഛായഗ്രഹണം സുധീഷ് കോമത്ത്, ഹരിദാസ് ബക്കളം (ആർട്ട്) ഉണ്ണിസുകുമാരൻ ( എഡിറ്റിങ്ങ് ) സ്റ്റുഡിയോ വൈഖരി , ( സ്റ്റിൽസ് ) അനിൽ പേരാമ്പ്ര, പ്രൊഡക്ഷൻ കൺട്രോളർ,പ്രകാശ് ചെങ്ങൽ, പ്രൊഡക്ഷൻ മാനേജർ എ.കെ. ശ്രീജയൻ ആനന്ദ് പ്രകാശ് അസോസിയേറ്റ് ഡയറക്ടർ. ഓ.മോഹനൻ. മേക്കപ്പ് എന്നിവരാണ് അണിയറ പ്രവർത്തകർ സാങ്കേതിക സഹായനിർവഹിച്ചിരിക്കുന്നത് ഗീതാ രാജേന്ദ്രൻ, കലാനിധി (ചെയർപേഴ്സൺ &മാനേജിങ് ട്രസ്റ്റീ.
സമകാലിക രാഷ്ട്രീയ വിവാദം വിഷയീഭവിക്കുന്ന വ്യത്യസ്ഥമായ ഒരു ഓണ ആൽബം കലാനിധി സെന്റർ ഫോർ ഇന്ത്യൻ ആർട്സ് ആൻഡ് കൾച്ചറൽ ഹെറിറ്റേജ് ട്രസ്റ്റിന്റെ ആഭിമുഖ്യത്തിൽ ബീനാജി,, അൽക്ക പ്രോഡക്ഷൻസ് പുറത്തിറങ്ങുന്നു. നീറ്റ് പരീക്ഷ ചോദ്യപേപ്പർ ചോർച്ചയും തുടർന്നുള്ള സമര പ്രതിരോധങ്ങളും കോർത്തിണക്കി ചിട്ടപ്പെടുത്തിയ ഈ ആൽബത്തിൽ ആടിവേടൻ തെയ്യം കെട്ടി ആടുന്ന അനുജനും നീറ്റ് പരീക്ഷയ്ക്ക് തയ്യാറാവുന്ന ചേച്ചിയും കഥാപാത്രങ്ങളാവുന്നു. നീറ്റ് പരീക്ഷചോദ്യപേപ്പർ ചോർച്ചയെ തുടർന്ന് പരീക്ഷ റദ്ദാക്കിയതിൽ മനം നൊന്ത് ആത്മഹത്യക്ക് മുതിരുന്ന കുട്ടിയുടെ കുടുംബത്തിലെ സംഭവവികാസങ്ങളെ തെയ്യത്തിൻ്റെ പശ്ചാത്തലത്തിൽ ആവിഷ്ക്കരിച്ച ‘വേടപ്പുലരി’ എന്ന സംഗീത ആൽബം സാമൂഹ്യ പ്രതിബദ്ധതയുണർത്തുന്ന കലാവിഷ്ക്കാരമായി തീരുന്നു.
മലയാളി മനസ്സിന് കുളിർമ സമ്മാനിക്കുന്ന ഈ കൊച്ചു കലാസൃഷ്ടി ഏവരും ഇരുകൈയും നീട്ടി സ്വീകരിക്കുമെന്ന പ്രതീക്ഷയിലാണ് അണിയറപ്രവർത്തകർ.