തിരു. തനിമ കലാസാഹിത്യവേദി സിറ്റി ചാപ്റ്ററിന്റെ നേതൃത്വത്തിൽ സർഗ്ഗസദസ്സ് സംഘടിപ്പിച്ചു അട്ടക്കുളങ്ങര കൾച്ചറൽ സെന്ററിൽ നടന്ന സർഗ്ഗസദസ്സ് പ്രശസ്ത പിന്നണി ഗായകൻ എം രാധാകൃഷ്ണൻ ഉദ്ഘാടനം ചെയ്തു. തനിമ കലാസാഹിത്യവേദി ജില്ലാപ്രസിഡന്റ് അമീർ കണ്ടൽ പുതുവത്സര സന്ദേശം നൽകി. സ്നേഹവും സമാധാനവും പകരുന്ന ഒരുമയുടെ ആഘോഷങ്ങൾ ഭീതിയുടെ നിഴയിൽ ആഘോഷിക്കേണ്ടിവരുന്ന വർത്തമാന സാഹചര്യം അത്യന്തം അപകടകരമാണ്. ജനനന്മക്ക് ഭീഷണിയായ വംശീയതക്കെതിരെ പ്രതിരോധം തീർക്കേണ്ടത് കലാസാംസ്കാരിക പ്രവർത്തകരുടെ ബാധ്യതയാണെന്നും അദ്ദേഹം പറഞ്ഞു. പ്രേം നസീർ സ്മൃതി സാംസ്കാരിക സമിതി പ്രസിഡന്റ് പനച്ചൂട് ഷാജഹാൻ വിശിഷ്ടാതിഥിയായിരുന്നു.ചാപ്റ്റർ പ്രസിഡന്റ് നൂറുൽ ഹസൻ അധ്യക്ഷത വഹിച്ചു. തനിമ ജില്ലാസംഘാടന സെക്രട്ടറി അൻസർ പാച്ചിറ,ജില്ലാസമിതിയംഗം അശ്കർ കബീർ, അൽ മയൂഫ്, ഹസീന ബഷീർ, ഷാഹുൽ ഹമീദ് അഴീക്കോട്,ഷാമില ബഷീർ, മെഹർ മാഹീൻ,സിയാദ് കണിയാപുരം, നൂറുൽ ഹസൻ , പീരു മുഹമ്മദ്, ഷാമില കാരക്കമണ്ഡപം, സുലേഖ ബീവി, ഷജീലമനാഫ്, താജുന്നിസ,ഷാഹില നേമം, ലൈലാബീഗം, ഷക്കീല ബീഗംതുടങ്ങിയവർ വിവിധ സർഗാവിഷ്ക്കാരങ്ങൾ അവതരിപ്പിച്ചു.