അങ്കണവാടികൾ കളിലെ പ്രവർത്തനങ്ങൾ പൂർണമായും ഓൺലൈൻ വഴി നടപ്പിലാക്കുവാൻ കേന്ദ്ര വനിത ശിശു വികസന മന്ത്രാലയം

അങ്കണവാടികൾ കളിലെ പ്രവർത്തനങ്ങൾ പൂർണമായും ഓൺലൈൻ വഴി നടപ്പിലാക്കുവാൻ കേന്ദ്ര വനിത ശിശു വികസന മന്ത്രാലയം തീരുമാനമെടുക്കുകയും സംവിധാനങ്ങൾ അങ്കണവാടി ജീവനക്കാരെ കൊണ്ട് ചെയ്യിക്കുന്നതിനായി കടുത്ത സമ്മർദ്ദം ചെലുത്തിക്കൊണ്ടിരിക്കുകയാണ്. ഗുണഭോക്താക്കൾക്ക് THR സേവനങ്ങളും മറ്റ് സേവനങ്ങളും ലഭ്യമാകുന്നതിന് FRS, EKYC ഏർപ്പെടുത്തുന്നതിന്റെ പ്രത്യാഘാതങ്ങൾ വളരെ വലുതായിരിക്കും ഇത് ഭക്ഷ്യസുരക്ഷാ നിയമം ലംഘിക്കപ്പെടുന്നതിന് വഴിയൊരുക്കും ഇ കെ വൈ സി,എഫ് ആർ എസ് രജിസ്ട്രേഷൻ മൊബൈൽ ഫോൺ വഴിയാണ് ചെയ്യേണ്ടത് അങ്ങനെ ചെയ്യാൻ സാധിക്കാത്ത പക്ഷം ഗുണഭോക്താക്കൾക്ക് ലഭ്യമാവേണ്ട അനുകൂല്യങ്ങൾ നഷ്ടപ്പെടും.എന്നാൽ ഈ പ്രവർത്തനങ്ങൾ അങ്കണവാടികൾ വഴി നടപ്പിലാക്കണമെങ്കിൽ പ്രവർത്തനക്ഷമതയുള്ള ഉപകരണങ്ങൾ 5g സംവിധാനമുള്ള ഫോൺ,/ ടാബ്/ ലാപ്ടോപ്പ് അത്യന്താപേ ക്ഷിതമാണ്.ആയത് ലഭ്യമാക്കാതെ ഐസിഡിഎസ് പ്രവർത്തനങ്ങൾ സുഗമമായി കൊണ്ടുപോകുന്നതിന് തുച്ച വരുമാനക്കാരായ അങ്കണവാടി ജീവനക്കാർ എന്ത് ത്യാഗവും സഹിച്ചു കൊള്ളണമെന്ന് ശഠി ക്കുന്നത്നീതീകരിക്കാവുന്നത് അല്ല.ഇക്കാര്യങ്ങൾ ബന്ധപ്പെട്ട ഭരണസംവിധാനങ്ങളെയും മേൽ ഉദ്യോഗസ്ഥരെയും പലതവണ അറിയിച്ചുവെങ്കിലും യാതൊരു അനുകൂല നടപടിയും ഇതുവരെയും സ്വീകരിച്ചിട്ടില്ല എന്നതിനാൽ സംഘടനയുടെ നേതൃത്വത്തിൽ പ്രത്യക്ഷ പ്രതിഷേധ പരിപാടികളുമായി മുന്നോട്ടു പോകുവാൻ തീരുമാനിച്ചിരിക്കുകയാണ്.

1.FRS ക്രമീകരണത്തിന്റെ നിർബന്ധിത നടപ്പാക്കൽ നിർത്തലാക്കുക,

2.അങ്കണവാടി റിപ്പോർട്ടിംഗ് സംവിധാനത്തിൽ ഡിജിറ്റലൈസേഷൻ ലഭ്യമാകുന്നതിന് മുമ്പ് എല്ലാ അംഗണവാടി കേന്ദ്രങ്ങൾക്കും ലാപ്ടോപ്പ്/ ടാബ്/ കമ്പ്യൂട്ടർ എന്നിവ നൽകുക അതുവരെ ഫൈവ് ജി കണക്ഷൻ ഉള്ള ഗുണനിലവാരമുള്ള മൊബൈൽ ഫോണുകൾ നൽകുക
അങ്കണവാടി

3.അങ്കണവാടി കേന്ദ്രങ്ങളിൽ സൗജന്യ വൈഫൈ കണക്ഷൻ നൽകുക.

4. ജോലിസ്ഥലത്ത് അംഗനവാടി ജീവനക്കാരുടെ സംരക്ഷണം ഉറപ്പാക്കുക.
5. സുപ്രീം കോടതി ഉത്തരവ് പ്രകാരം ആധാർ പരിശോധനയോ മുഖം തിരിച്ചറിയാല്ലോ പരിഗണിക്കാതെ എല്ലാ ഗുണഭോക്താക്കൾക്കും ഗുണനിലവാരമുള്ള അനുപൂരക പോഷകാഹാരം നൽകുക.

6. പോഷൻ ട്രാക്കർ ആപ്പുമായി ബന്ധപ്പെട്ട പ്രശ്നങ്ങൾ ചർച്ച ചെയ്യപ്പെടുന്നതിനായി എല്ലാ അംഗണവാടി സംഘടനാ നേതാക്കളുമായും ഉടൻതന്നെ ത്രി കക്ഷിയോഗം വിളിച്ചു ചേർക്കുക.

7.ഗ്രാറ്റിവിറ്റിയുമായി ബന്ധപ്പെട്ട സുപ്രീംകോടതിവിധി നടപ്പിലാക്കുക.

8. 45 ആം ILCയുടെ നിർദ്ദേശങ്ങൾ നടപ്പിലാക്കുക.

9. ജോലിഭാരം കുറയ്ക്കുക തൊഴിൽ സുരക്ഷിതത്വം ഉറപ്പുവരുത്തുക മിനിമം വേദനം അനുവദിക്കുക.

10.മേലുദ്യോഗസ്ഥരുടെ ഭാഗത്തുനിന്നുള്ള മാനസിക സമ്മർദ്ദം പീഡനം അവസാനിപ്പിക്കുക.

11.സർക്കാർ ഉത്തരവുകൾ അംഗീകരിക്കാത്ത ഉദ്യോഗസ്ഥർക്കെതിരെ ശക്തമായ നടപടികൾ സ്വീകരിക്കുക.
എന്നീ ആവശ്യങ്ങൾ ഉന്നയിച്ചുകൊണ്ട് 18,19, 20 തീയതികളിൽ ഡിജിറ്റൽ സ്ട്രൈക്കും 20ന് കരിദിനമായി ആചരിച്ചുകൊണ്ട് ഡയറക്ടറേറ്റ് മാർച്ച് ധർണയും നടത്തുന്നു സിഐടിയു സംസ്ഥാന ജനറൽ സെക്രട്ടറി സഖാവ് എളമരം കരീം ധർണ സമരം ഉദ്ഘാടനം ചെയ്ത് സംസാരിക്കും