തിരുവനന്തപുരം . ഖത്തറിലെ പ്രവാസി ഗ്രന്ഥകാരനും മാധ്യമ പ്രവര്ത്തകനും മീഡിയ പ്ലസ് സിഇഒ യുമായ ഡോ. അമാനുല്ല വടക്കാങ്ങരയെ കേരള ഭക്ഷ്യ സിവില് സപ്ലൈസ് വകുപ്പ് മന്ത്രി ജി ആര് അനില് ആദരിച്ചു.
ലോക പുസ്തക ദിനത്തോടനുബന്ധിച്ച് ഇന്ഡോ ഖത്തര് ഫ്രണ്ട്ഷിപ്പ് സെന്ററിന്റെ ആഭിമുഖ്യത്തില് അജന്തയില് നടന്ന പ്രത്യേക ചടങ്ങിലാണ് 92 പുസ്തകങ്ങള് രചിച്ച് പ്രവാസ ലോകത്തെ ശ്രദ്ധേയ സാന്നിധ്യമായ ഡോ. അമാനുല്ല വടക്കാങ്ങരയെ മന്ത്രി ആദരിച്ചത്.
വായനയിലൂടെ മാത്രമേ നല്ല മനുഷ്യനാകാന് കഴിയൂവെന്നും അവന്റെ കഴിവുകള് ഉപയോഗിക്കുന്നത് അവിടെയാണെന്നും ചടങ്ങില് സംസാരിക്കവേ മന്ത്രി പറഞ്ഞു.