ട്രാന്സ്ഫര് വിന്ഡോ അവസാനിച്ചപ്പോള് ഏറ്റവും സന്തോഷിക്കുന്ന ടീമുകള് ചെല്സിയും യുവന്റസും ഒക്കെ ആയിരിക്കും. ആഗ്രഹിച്ച പല താരങ്ങളെയും എളുപ്പത്തില് തന്നെ സ്വന്തമാക്കാന് ചെല്സിക്കായി. യുവന്റസ് താരങ്ങളെ എത്തിക്കുന്നതിനൊപ്പം പ്രായമേറി വരുന്ന സ്ക്വാഡില് നിന്ന് പലരെയും വിറ്റ് യുവനിരയാക്കി ടീമിനെ മാറ്റി. ഒരു താരത്തെ പോലും വാങ്ങാത്ത റയല് മാഡ്രിഡും ഒരു വശത്ത് ഉണ്ട്. എന്നാല് ഈ ട്രാന്സ്ഫര് വിന്ഡോയില് ഏറ്റവും നിരാശയുള്ള ക്ലബുകള് ബാഴ്സലോണയും മാഞ്ചസ്റ്റര് യുണൈറ്റഡും ആകും.ബാഴ്സലോണയ്ക്ക് അവര് ആഗ്രഹിച്ച പല താരങ്ങളെയും ടീമില് എത്തിക്കാന് ആയില്ല. സുവാരസിനെ പോലെ ഒരി വലിയ സ്ട്രൈക്കര് ക്ലബ് വിട്ടതിനു പകരം ആരെയും കൊണ്ടുവരാന് ബാഴ്സക്ക് സാധിച്ചില്ല. ബാഴ്സലോണയുടെ പ്രധാന ലക്ഷ്യം ലിയോണിന്റെ ഡിപായ് ആയിരുന്നു. താരവും ലിയോണും ഒക്കെ ബാഴ്സലോണയുമായി കരാറില് എത്തി എങ്കിലും താരത്തെ വാങ്ങാന് ബാഴ്സക്ക് ആയില്ല. വാങ്ങാന് കാശില്ല എന്നതാണ് ബാഴ്സയുടെ ന്യായം.സെന്റര് ബാക്കില് ബാഴ്സലോണ ലക്ഷ്യം വെച്ച മാഞ്ചസ്റ്റര് സിറ്റിയുടെ എറിക് ഗാര്സിയയും ക്ലബില് എത്തിയില്ല. സിറ്റി ആവശ്യപ്പെട്ട 20 മില്യണ് നല്കാന് ബാഴ്സ തയ്യാറായില്ല. അടുത്ത സമ്മറില് ഫ്രീ ട്രാന്സ്ഫറില് ഗാര്സിയയെ വാങ്ങാം എന്നതാണ് ബാഴ്സയുടെ ഇപ്പോഴത്തെ ചിന്ത. ലിവര്പൂള് മധ്യനിരതാരം വൈനാള്ഡവും ബാഴ്സലോണയുടെ ലക്ഷ്യത്തില് ഉണ്ടായുരുന്നു. അതും നടന്നില്ല. ഡെസ്റ്റും പ്യാനിചും മാത്രമാണ് ബാഴ്സലോണ ആരാധകരുടെ ആശ്വാസം.മാഞ്ചസ്റ്റര് യുണൈറ്റഡ് അവസാന ദിവസം നാലു ട്രാന്സ്ഫറുകള് പൂര്ത്തി ആക്കി എങ്കിലും അത് ആരാധകര്ക്ക് പൂര്ണ്ണ സന്തോഷം നല്കില്ല. ട്രാന്സ്ഫര് വിന്ഡോ തുടങ്ങുമ്ബോള് രണ്ട് ട്രാന്സ്ഫറുകള് ആയിരുന്നു യുണൈറ്റഡിന്റെ പ്രധാന ലക്ഷ്യം. ഒന്നൊരു റൈറ്റ് വിങ്ങറും പിന്നെ ഒരു സെന്റര് ബാക്കും. സെന്റര് ബാക്കില് ഒരു താരത്തിനായും മാഞ്ചസ്റ്റര് യുണൈറ്റഡ് ശ്രമിച്ചു പോലുമില്ല. റൈറ്റ് വിങ്ങില് മാഞ്ചസ്റ്റര് യുണൈറ്റഡിന്റെ പ്രധാന ലക്ഷ്യം സാഞ്ചോ ആയിരുന്നു. സാഞ്ചോയുടെ വില കുറക്കാന് ആവശ്യപ്പെട്ട് അവസാനം ഡോര്ട്മുണ്ട് താരത്തെ വില്ക്കില്ല എന്ന തീരുമാനത്തില് എത്തുക ആയിരുന്നു.സാഞ്ചോ നഷ്ടമായി എന്ന് ഉറപ്പായപ്പോള് മാഞ്ചസ്റ്റര് യുണൈറ്റഡ് അവസാന നിമിഷങ്ങളില് ബാഴ്സലോണയുടെ താരം ഡെംബലെയ്ക്ക് വേണ്ടിയും വാറ്റ്ഫോര്ഡ് താരം സാറിനു വേണ്ടിയും ശ്രമിച്ചു എങ്കിലും രണ്ട് ക്ലബുകളും യുണൈറ്റഡ് ഓഫറുകള് നിരസിച്ചു. രണ്ട് യുവ വിങ്ങര്മാരെ യുണൈറ്റഡ് സൈന് ചെയ്തു എങ്കിലും യുണൈറ്റഡിന്റെ റൈറ്റ് വിങ്ങിലെ പ്രശ്നങ്ങള്ക്ക് ഉള്ള പരിഹാരമാവാന് ഈ യുവതാരങ്ങള് ആയെന്ന് തോന്നുന്നില്ല. താരങ്ങള് എത്തി എങ്കിലും സെന്റര് ബാക്കിലെ പ്രശ്നങ്ങളും ഒരു നല്ല ഡിഫന്സീവ് മിഡ്ഫീല്ഡര് ഇല്ലാത്തതും വലതു വിങ്ങ് നിശ്ചലമാകുന്നതും ഒക്കെ യുണൈറ്റഡിനെ ഈ സീസണ് ഉടനീളം പ്രശ്നങ്ങളില് കൊണ്ടിടും.