തനിമ സർഗ്ഗസദസ്സ് സംഘടിപ്പിച്ചു

തിരു. തനിമ കലാസാഹിത്യവേദി കണിയാപുരം ചാപ്റ്ററിന്റെ നേതൃത്വത്തിൽ സർഗ്ഗസദസ്സ് സംഘടിപ്പിച്ചു. കണിയാപുരം തണൽ അങ്കണത്തിൽ നടന്ന സർഗ്ഗസദസ്സ് കാര്യവട്ടം ശ്രീകണ്ഠൻ നായർ ഉദ്ഘാടനം ചെയ്തു. തനിമ കലാസാഹിത്യവേദി ജില്ലാപ്രസിഡന്റ് അമീർ കണ്ടൽ ക്രിസ്തുമസ് പുതുവത്സര സന്ദേശം നൽകി. സ്നേഹവും സമാധാനവും പകരുന്ന ഒരുമയുടെ ആഘോഷങ്ങൾ ഭീതിയുടെ നിഴയിൽ ആഘോഷിക്കേണ്ടിവരുന്നവർത്തമാന സാഹചര്യം അത്യന്തം അപകടകരമാണ്.

ജനനന്മക്ക് ഭീഷണിയായ വംശീയതക്കെതിരെ പ്രതിരോധം തീർക്കേണ്ടത് കലാസാംസ്കാരിക പ്രവർത്തകരുടെ ബാധ്യതയാണെന്നും അദ്ദേഹം പറഞ്ഞു.ചാപ്റ്റർ പ്രസിഡന്റ് ചാന്നാങ്കര ജയപ്രകാശ് അധ്യക്ഷത വഹിച്ചു. ജില്ലാസ്കൂൾ കലോത്സവത്തിൽ കഥാ രചനയിൽ ഒന്നാം സ്ഥാനം ലഭിച്ച മിൻഹ ഫാത്തിമയെ ചടങ്ങിൽ അനുമോദിച്ചു. മോഹനൻ ചെഞ്ചേരി ഉപഹാര സമർപ്പണം നിർവ്വഹിച്ചു. അൻസർ പാച്ചിറ, മിൻഹഫാത്തിമ,ചാന്നാങ്കര സലിം, മിനി പള്ളിപ്പുറം, പുനവൻ നസീർ , ഷിജു രാമകൃഷ്ണൻ , സുനിത സിറാജ്, നസീം ചിറയിൻകീഴ്, നാജ എസ് കുന്നിൽ ,സിയാദ് കണിയാപുരം, അസിം ബായ് , ഫസീല, നൂറുൽ ഹസൻ , അൽ മയൂഫ്, സതീശൻ ,ഉമർ മുക്താർ, ഹുദ തുടങ്ങിയവർ വിവിധ സർഗാവിഷ്ക്കാരങ്ങൾ അവതരിപ്പിച്ചു.