സിംഗുലാരിയവുമായി കൈകോര്ത്ത് റിഫ്ളക്ഷന്സ് ഇന്ഫോ സിസ്റ്റംസ്
തിരുവനന്തപുരം: ടെക്നോപാര്ക്ക് ആസ്ഥാനമായി പ്രവര്ത്തിക്കുന്ന പ്രമുഖ ഇന്നവേഷന് ടെക്നോളജി സേവന ദാതാക്കളായ റിഫ്ളക്ഷന്സ് ഇന്ഫോ സിസ്റ്റംസ് ബെംഗളൂരു ആസ്ഥാനമായുള്ള എഐ ഫസ്റ്റ് പ്ലാറ്റ് ഫോമായ സിംഗുലാരിയം ടെക്നോളജീസുമായി സഹകരിച്ച് പ്രവര്ത്തിക്കും.
ഇതിലൂടെ സിംഗുലാരിയം വികസിപ്പിച്ച ഹൈബ്രിഡ് മോഡല് പ്രയോജനപ്പെടുത്തി റിഫ്ളക്ഷന്സ് എഐ പ്രവര്ത്തനങ്ങള് മെച്ചപ്പെടുത്തുകയും ആഗോള ക്ലയന്റുകള്ക്ക് അതിന്റെ ഫലങ്ങള് ലഭ്യമാക്കുകയും ചെയ്യും. കൂടുതല് വേഗത്തിലും കൃത്യവുമായ പരിഹാരങ്ങള് ഉറപ്പാക്കാന് സാധിക്കുമെന്നതാണ് ഇതിന്റെ നേട്ടം.
സിംഗുലാരിയത്തിന്റെ സര്വീസ് ആസ് സോഫ്റ്റ്വെയറിന്റെ സഹായത്തോടെ എഐ ഉപയോഗിച്ച് റിഫ്ളക്ഷന്സിന് തങ്ങളുടെ ഉപഭോക്താക്കളുടെ ബിസിനസ് പ്രക്രിയകള് ലളിതവും കാര്യക്ഷമവുമാക്കാനാകും.
സിംഗുലാരിയത്തിന്റെ വൈവിധ്യമാര്ന്ന പ്ലാറ്റ് ഫോമിലൂടെ എഐ സാധ്യതകള് പ്രയോജനപ്പെടുത്തി തങ്ങളുടെ ഉപഭോക്താക്കളുടെ ബിസിനസ് പ്രക്രിയ നവീകരിക്കാന് സാധിക്കുന്നതില് ഏറെ സന്തോഷമുണ്ടെന്ന് റിഫ്ളക്ഷന് ഇന്ഫോ സിസ്റ്റംസിന്റെ ഇഎംഇഎ, ഏഷ്യ-പസഫിക് മേഖലകളുടെ ബിസിനസ് മേധാവി അനി മേനോന് പറഞ്ഞു.
ആഗോള വിപണികളിലേക്ക് എത്തുന്നതിനും തങ്ങളുടെ ഉപഭോക്താക്കളുടെ സങ്കീര്ണ്ണമായ ബിസിനസ് പ്രശ്നങ്ങള് പരിഹരിക്കുന്നതിനും റിഫ്ളക്ഷന്സുമായി സഹകരിക്കുന്നതില് അതിയായ സന്തോഷമുണ്ടെന്ന് സിംഗുലാരിയം ടെക്നോളജീസ് സഹസ്ഥാപകനും ഡയറക്ടറുമായ സിദ്ധാര്ത്ഥ് പാര്ത്ഥസാരഥി വ്യക്തമാക്കി.
2008 ല് സ്ഥാപിതമായ റിഫ്ളക്ഷന്സ് ഇന്ഫോ സിസ്റ്റംസ് ലോകത്തിലെ മുന്നിര ബ്രാന്ഡുകള്ക്കായി ടെക്നോളജി ട്രാന്സ്ഫോര്മേഷന് ലക്ഷ്യമിട്ട് പ്രവര്ത്തിക്കുന്ന എഐ അധിഷ്ഠിത ഡിജിറ്റല് എഞ്ചിനീയറിംഗ് സ്ഥാപനമാണ്. യുഎസ്, ബഹ്റൈന്, ഖത്തര്, സൗദി അറേബ്യ, യുഎഇ, ഓസ്ട്രേലിയ, ന്യൂസിലാന്ഡ്, ബ്രസീല് എന്നിവിടങ്ങളില് കമ്പനി പ്രവര്ത്തനം വ്യാപിപ്പിച്ചിട്ടുണ്ട്.
2013 ല് സ്ഥാപിതമായ സിംഗുലാരിയം ടെക്നോളജീസ് നിര്മ്മിതബുദ്ധിയുടെയും മനുഷ്യരുടെയും സംയോജിത കഴിവുകള് പ്രയോജനപ്പെടുത്തി സങ്കീര്ണ്ണമായ ബിസിനസ് പ്രശ്നങ്ങള് പരിഹരിക്കുന്ന എഐ-ഫസ്റ്റ് പ്ലാറ്റ് ഫോമാണ്.