ഇലക്ട്രിക് സ്കൂട്ടർ നിർമ്മാണത്തിനായി കെഎഎല്ലും ലോർഡ്സ് ലോർഡ്സ് ഓട്ടോമോട്ടീവും കൈകോർക്കുന്ന പുതിയ സംരംഭം മന്ത്രി പി . രാജീവ് ഉത്ഘാടനം ചെയ്തു

കേരള ഓട്ടോമൊബൈൽസ് ന്റെയും ലോർഡ്‌സ് ഓട്ടോമേറ്റിവ് പ്രൈവറ്റ് ലിമിറ്റഡ് (LORDS AUTOMATIVE PVT LTD ) ന്റെയും സംയുക്ത സംരംഭം ആയ “KAL LORDS TECHNOLOGIES Pvt Ltd ” ന്റെ ഇലക്ട്രിക്ക് സ്കൂട്ടർ നിർമ്മാണ യൂണിറ്റ് ഉദ്‌ഘാടനവും ആദ്യവില്പനയുംട്രൈ സ്കൂട്ടറുകളുടെ ഫ്ലാഗ് ഓഫും ബഹു : വ്യവസായ – കയർ – നിയമ വകുപ്പ് മന്ത്രി ശ്രീ പി . രാജീവ് നിർവഹിച്ചു .
1978- മുതൽ കേരള സർക്കാർ വ്യവസായ വകുപ്പിന് കീഴിൽ പ്രവർത്തിക്കുന്ന പ്രമുഖ ഇലക്ട്രിക്ക് മുച്ചക്ര വാഹനനിർമ്മാതാക്കളായ കേരള ഓട്ടോമൊബൈൽസ്, മുംബൈ ആസ്ഥാനമായി പ്രവർത്തിക്കുന്ന ഇലക്ട്രിക്ക് ടു വീലർ -ത്രീ വീലർ നിർമാതാക്കളായ ലോർഡ്‌സ് ഓട്ടോമേറ്റിവ് പ്രൈവറ്റ് ലിമിറ്റഡുമായി ചേർന്ന് സംയുക്തമായി ആരംഭിക്കുന്ന ജോയിന്റ് വെഞ്ചർ കമ്പനിയായ കെ.എ.എൽ-ലോർഡ്‌സ് ടെക്നോളോജിസ് പ്രൈ. ലിമിറ്റഡിന്റെ ആറാലുംമൂട് പ്രവർത്തനം ആരംഭിക്കുന്ന ഇലക്ട്രിക്ക് സ്കൂട്ടർ -ട്രൈ സ്കൂട്ടർ നിർമ്മാണ യൂണിറ്റിന്റെ ഉദ്‌ഘാടനവും ആദ്യവില്പനയും ആദ്യവില്പനയുംട്രൈ സ്കൂട്ടറുകളുടെ ഫ്ലാഗ് ഓഫും ബഹു : വ്യവസായ – കയർ – നിയമ വകുപ്പ് മന്ത്രി ശ്രീ പി . രാജീവ് കെ .എ .എൽ ഫാക്ടറി പരിസരത്തു വച്ച് ഓഗസ്റ്റ് 20 ബുധനാഴ്ച്ച വൈകിട്ട് 4.30 നു നിർവഹിച്ചു.
നെയ്യാറ്റിൻകര എം.എൽ.എ ശ്രീ .കെ . ആൻസലൻ ചടങ്ങിൽ അധ്യക്ഷത വഹി ച്ചു.കെ.എ.എൽ ലോർഡ്‌സ് ടെക്നോളോജിസ് പ്രൈ. ലിമിറ്റഡ് ഡയറക്ടർ ഡോ. സുനിൽ കോർഗായോംഗർ മുഖ്യ അതിഥിയായി പങ്കെടുത്ത ചടങ്ങിൽ വ്യവസായവകുപ്പ് ഓഫീസർ ഓൺ സ്പെഷ്യൽ ഡ്യൂട്ടി ശ്രീമതി ആനി ജൂല തോമസ് (IAS) മുഖ്യ പ്രഭാഷണം നടത്തി. കെ.എ.എൽ ചെയർമാൻ ശ്രീ പുല്ലുവില സ്റ്റാൻലി, ബോർഡ് ഓഫ് പബ്ലിക് സെക്ടർ ട്രാൻസ്‌ഫെർമെഷൻ എക്സിക്യൂട്ടീവ് ചെയർമാൻ ശ്രീ.കെ അജിത്കുമാർ, തുടങ്ങിയവർ ആശംസ പ്രസംഗങ്ങൾ നടത്തി.
കെ .എ .എൽ ലോർഡ്‌സ് ടെക്നോളോജിസ് പ്രൈ. ലിമിറ്റഡിന്റെ ചെയർമാൻ ശ്രീ .വി എസ്.രാജീവ് സ്വാഗതവും ,മാനേജിങ് ഡയറക്ടർ ഡോ. വീർ സിംഗ് കൃതജ്ഞതയും രേഖപ്പെടുത്തി .
കാര്യപരിപാടികൾ ഉൾപ്പെടുത്തിയിട്ടുള്ള ക്ഷണപത്രം ഇതോടൊപ്പം ഉള്ളടക്കം ചെയ്തിട്ടുണ്ട്

KAL നെ കുറിച്ച്
1978 ൽ സ്ഥാപിതമായ കമ്പനി 1984 ൽ 2 സ്ട്രോക്ക് പെട്രോൾ എൻജിനുകൾ ഘടിപ്പിച്ച ഓട്ടോറിക്ഷകളാണ് ഉത്പാദിപ്പിക്കാൻ ആരംഭിച്ചത്. തുടർന്ന് 1991 ൽ 4 സ്ട്രോക്ക് ഡീസൽ എൻജിൻ ഘടിപ്പിച്ച മുച്ചക്ര വാഹനങ്ങൾ നിർമ്മിച്ച് വിപണനം നടത്തി. KAL നിർമ്മിച്ച ഓട്ടോറിക്ഷകളും കാർഗോ വാഹനങ്ങളും ദില്ലി, പഞ്ചാബ്, ഹരിയാന, രാജസ്ഥാൻ മുതലായ ഉത്തരേന്ത്യൻ സംസ്ഥാനങ്ങളിലെ ഇഷ്ടവാഹനങ്ങൾ ആയി. 325 cc ഡീസൽ എൻജിൻ ഘടിപ്പിച്ച ഫ്രണ്ട് എൻജിൻ വാഹനങ്ങളുടെ അധിക ഭാരം വഹിച്ച് കൊണ്ട് അനായാസം ഓടാനുള്ള ശേഷിയാണ് അവിടങ്ങളിലെ ഉപഭോക്താക്കളെ ഏറെ ആകർഷിച്ചത്. ഉത്തരേന്ത്യൻ നിരത്തുകളിൽ ഇന്നും KAL വാഹനങ്ങൾ ഓടുന്നത് കാണാം.
രാഷ്ട്രം പരിസ്ഥിതി സംരക്ഷണത്തെ കുറിച്ചും വായു മലിനീകരണത്തെ കുറിച്ചും ഗൗരവമായി ചിന്തിക്കാൻ തുടങ്ങിയതോടെ 2019 ൽ KAL കൂടുതൽ പരിസ്ഥിതി സൗഹൃദമായ ഇലക്ട്രിക്ക് വാഹനങ്ങളുടെ നിർമ്മാണത്തിലേക്കു കടന്നു. ആ ശ്രേണിയിൽ ആദ്യം നിർമ്മിച്ചത് കേരള നീം ജി എന്ന ഇലക്ട്രിക്ക് ഓട്ടോ റിക്ഷ ആണ്.ലിഥിയം ഫെറോ ഫോസ്‌ഫേട് ബാറ്ററി ഘടിപ്പിച്ച ഈ വാഹനത്തോടോപ്പം 2021 ൽ 310 കിലോ ഭാരം വഹിക്കാൻ കഴിയുന്ന കേരള ഗ്രീൻ സ്ട്രീം എന്ന ഇലക്ട്രിക്ക് കാർട്ടിന്റെ നിർമ്മാണവും ആരംഭിച്ചു.
2024 ൽ മാലിന്യ സംഭരണത്തിനും നിർമ്മാർജ്ജനത്തിനും അനുയോജ്യമായ രണ്ടു അറകളുള്ള ഗാർബേജ് ബോക്സ് ഘടിപ്പിച്ച ടിപ്പിംഗ് മെക്കാനിസത്തോട് കൂടിയ ഗാർബേജ് കാർട്ടുകൾ അവതരിപ്പിച്ചു. കൊച്ചി കോർപറേഷൻ മാലിന്യ നീക്കത്തിനായി കഴിഞ്ഞ 6 മാസകാലമായി ഈ വാഹനം ഉപയോഗിക്കുന്നു.
പ്രോഡക്റ്റ് ലൈൻ എക്സ്റ്റൻഷന്റെ ഭാഗമായി KAL മൂന്ന് പുതിയ ഇലക്ട്രിക് വാഹനങ്ങൾ വികസിപ്പിച്ചു എടുത്തു .പുതിയ വിപണി പുതിയ ഉപഭോക്താക്കളിലേക്ക് എത്തുക എന്നീ ലക്ഷ്യങ്ങളാണ് ഈ ഉദ്യമത്തിന് പിന്നിൽ .
VSSC, ISRO, BRAHMOS, LPSC മുതലായ എയ്റോസ്പേസ്/ ഡിഫെൻസ് സ്ഥാപനങ്ങൾക്ക് വേണ്ടി ഹൈ പ്രിസിഷൻ കമ്പോണന്റുകൾ സപ്ലൈ ചെയ്യാൻ പ്രാപ്തമായ ഒരു മോഡേൺ മെഷീൻ ഷോപ് KAL ൽ പ്രവർത്തിക്കുന്നുണ്ട്
5 VMC, 3 CNC turning സെന്ററുകൾ, EDM, വയർ കട്ടിങ് മെഷീൻ, ബ്രോച്ചിങ് മെഷീൻ മുതലായ ആധുനിക മെഷീനുകൾ ഉൾപ്പെടുന്നതാണ് KAL മെഷീൻ ഷോപ്.
ലോർഡ്‌സ് ഓട്ടോമേറ്റിവ് പ്രൈവറ്റ് ലിമിറ്റഡ് നെ കുറിച്ച്
മുംബൈ ആസ്ഥാനമായി പ്രവർത്തിക്കുന്ന ലോർഡ്‌സ് ഓട്ടോമേറ്റിവ് പ്രൈവറ്റ് ലിമിറ്റഡ് 2020 ൽ സ്ഥാപിതമായ നൂതനവും ഊർജ്ജകാര്യക്ഷമതയുമായ ഇലക്ട്രിക്ക് ടു വീലറുകൾ, ട്രൈ സ്കൂട്ടർ, പാസഞ്ചർ ഓട്ടോറിക്ഷ, കാർഗോ ത്രീ വീലറുകൾ മുതലായവ നിർമ്മിച്ചു വിതരണം ചെയ്യുന്ന കമ്പനിയാണ്. വിപുലമായ ഗവേഷണ, വികസന സംവിധാനവും, വിപണന ശൃംഖലയും, ഉള്ള ലോർഡ്‌സ് ഓട്ടോമേറ്റിവ് ഉയർന്ന ഗുണനിലവാരമുള്ള സീറോ എമിഷൻ വാഹനങ്ങളാണ് നിർമ്മിക്കുന്നത്. കുറഞ്ഞ പ്രവർത്തന ചിലവ്, വിശ്വാസ്യത, വിവിധ റോഡ് സാഹചര്യങ്ങളുമായി എളുപ്പത്തിൽ പൊരുത്തപ്പെടാൻ കഴിയുന്ന രൂപകൽപന മുതലായവയാണ് ലോർഡ്‌സ് ഓട്ടോമേറ്റിവ് ഉൽപ്പന്നങ്ങളുടെ സവിശേഷതകൾ .
22കോടി വിറ്റുവരവുള്ള ലോർഡ്‌സ് ഓട്ടോമേറ്റിവ് പ്രൈവറ്റ് ലിമിറ്റഡ് 307 കോടി വിറ്റുവരവുള്ള ലോർഡ്‌സ് മാർക്ക് ഇൻഡസ്ട്രീസ് എന്ന 1998 ൽ സ്ഥാപിതമായ എട്ടിൽപരം വെർട്ടികലുകൾ ഉള്ള ഗ്രൂപ്പിന്റെ സബിസിസിയറി കമ്പനി ആണ്
കെ എ എൽ – ലോർഡ്സ് സംയുക്ത സംരംഭത്തെകുറിച്ച്
ജെ വി കമ്പനിയുടെ നാൾവഴികൾ
JV കമ്പനി തുടങ്ങുന്നതിനു വേണ്ടി കേരളാ ഓട്ടോമൊബൈൽസ് , EOI ക്ഷണിച്ചത് 2020 ൽ ആണ് .
KAL ഉം ലോർഡ്‌സ് മാർക്ക് ഇൻഡസ്ട്രീസും തമ്മിൽ MOU ഒപ്പുവച്ചത് 14/2/2022ൽ ആണ് .
JV കമ്പനി ആരംഭിക്കുന്നതിന് സർക്കാർ ആനുമതി ലഭിച്ചത് 27/6/2023 നു ആണ്
ജോയിന്റ് വെഞ്ചർ എഗ്രിമെന്റ് ഒപ്പുവച്ചത് 2/8/2023ൽ ആണ് .
3:4 ആണ് ഡയറക്ടർ ബോർഡിൽ KAL നോമിനികളും ലോർഡ്‌സ് നോമിനികളും തമ്മിലുള്ള അനുപാതം.
കെ. എ. എൽ- ലോർഡ്സിന്റെ ഓട്ടോമേറ്റീവ് സഹകരണം ഇനിപ്പറയുന്നവയിൽ ശ്രദ്ധ കേന്ദ്രീകരിക്കുംഃ
മെച്ചപ്പെട്ട ഉൽപ്പാദന ശേഷിഃ ഇ-വാഹനങ്ങളുടെ വർദ്ധിച്ചുവരുന്ന വിപണി ആവശ്യം നിറവേറ്റുന്നതിനായി ഉൽപ്പാദനം വർദ്ധിപ്പിക്കുക.
തൊഴിൽ സൃഷ്ടിക്കൽഃ കേരളത്തിലെ വിദഗ്ധർക്കും അർദ്ധ വൈദഗ്ധ്യമുള്ള തൊഴിലാളികൾക്കും തൊഴിൽ സൃഷ്ടിക്കൽ.
സാങ്കേതികവിദ്യ പങ്കിടൽഃ നൂതന ഇലക്ട്രിക് മൊബിലിറ്റി സാങ്കേതികവിദ്യകളെ കെ. എ. എല്ലിന്റെ ഉൽപാദന നിരയിലേക്ക് സംയോജിപ്പിക്കുക.
വിപണി വിപുലീകരണംഃ സർക്കാർ, സ്വകാര്യ മേഖലകളിലെ വിപണി ഇരു പങ്കാളികളുടെയും ശൃംഖല ഉപയോഗിച്ച് പ്രയോജനപ്പെടുത്തുക.
പാരിസ്ഥിതിക ആഘാതം കുറക്കുക: വാഹനങ്ങളുടെ കാർബൺ പുറന്തള്ളൽ കുറയ്ക്കുന്നതിനും,
പുനരുപയോഗ ഊർജ്ജ സംയോജനം പ്രോത്സാഹിപ്പിക്കുന്നതിനുമുള്ള ഇന്ത്യയുടെ ലക്ഷ്യങ്ങളെ പിന്തുണയ്ക്കുക.
ഈ സൌകര്യം ഇന്ത്യൻ റോഡുകളുടെയും കാലാവസ്ഥാ സാഹചര്യങ്ങളുടെയും അതുല്യമായ ആവശ്യങ്ങൾ നിറവേറ്റുന്ന നൂതന ഇവി മോഡലുകളുടെ വികസനത്തിന് വഴിയൊരുക്കുകയും, രാജ്യത്തിന്റെ ഗതാഗത ദൌത്യത്തിന് പ്രധാന സംഭാവന നൽകുന്ന സംസ്ഥാനമായി കേരളത്തെ മാറ്റുകയും ചെയ്യും.
ഇലക്ട്രിക് മൊബിലിറ്റി യോടുള്ള കേരളത്തിന്റെ പ്രതിബദ്ധത
നയപരമായ പ്രോത്സാഹനങ്ങൾ, അടിസ്ഥാന സൌകര്യ വികസനം, ബോധവൽക്കരണ പ്രചാരണങ്ങൾ എന്നിവയിലൂടെ കേരള സർക്കാർ ഇലക്ട്രിക് മൊബിലിറ്റി സജീവമായി പ്രോത്സാഹിപ്പിക്കുന്നുണ്ട്.
കാർബൺ ഉദ്വമനം കുറയ്ക്കുക, പൊതുഗതാഗതം മെച്ചപ്പെടുത്തുക, മെയ്ക്ക് ഇൻ ഇന്ത്യ സംരംഭത്തെ പിന്തുണയ്ക്കുക എന്നീ സംസ്ഥാനത്തിന്റെ വിശാലമായ ലക്ഷ്യങ്ങളുമായി ആണ് കെ. എ. എൽ പ്രവർത്തിക്കുന്നത്.

ആയതിനാൽ ഈ നൂതന സൌകര്യം സ്ഥാപിക്കുന്നത് കേരളത്തെ സംബന്ധിച്ചിടത്തോളം നിർണ്ണായകമായ ഒരു നീക്കത്തെ അടയാളപ്പെടുത്തുന്നു. സംസ്ഥാനത്തിനുള്ളിൽ പുതിയ സാമ്പത്തിക അവസരങ്ങൾ തുറക്കാൻ ഇത് വഴിയൊരുക്കും.