അംഗൻവാടി വർക്കേഴ്സ് & ഹെൽപ്പേഴ്‌സ് അസോസിയേഷൻ (സിഐടിയു) വനിതാ ശിശു വികസന വകുപ്പ് ഡയറക്ടറേറ്റിന് മുന്നിൽ പ്രതിഷേധ മാർച്ചും ധർണ്ണയും സംഘടിപ്പിച്ചു

അംഗൻവാടി വർക്കേഴ്സ് & ഹെൽപ്പേഴ്‌സ് അസോസിയേഷൻ (സിഐടിയു) വനിതാ ശിശു വികസന വകുപ്പ് ഡയറക്ടറേറ്റിന് മുന്നിൽ പ്രതിഷേധ മാർച്ചും ധർണ്ണയും സംഘടിപ്പിച്ചു. പ്രതിഷേധം സിഐടിയു സംസ്ഥാന ജനറൽ സെക്രട്ടറി സ. എളമരം കരീം ഉദ്‌ഘാടനം ചെയ്തു.ഓൺലൈൻ പ്രവർത്തനത്തിന് ആവശ്യമായിട്ടുള്ള നിലവാരമുള്ള ഫോൺ ലഭ്യമാക്കുക, സർക്കാർ ഉത്തരവുകൾ അംഗീകരിക്കാത്ത ഉദ്യോഗസ്ഥരുടെ മേൽ നടപടികൾ സ്വീകരിക്കുക, മിനിമം വേതനം നടപ്പിലാക്കുക, ഉത്സവബത്ത 5000 രൂപയായി വർധിപ്പിക്കുക, മേലുദ്യോഗസ്ഥരുടെ മാനസിക പീഡനം അവസാനിപ്പിക്കുക തുടങ്ങിയ മുദ്രാവാക്യങ്ങൾ ഉന്നയിച്ചാണ് വനിതാ ശിശു വികസന വകുപ്പ് ഡയറക്ടറേറ്റിന് മുന്നിൽ അംഗൻവാടി ജീവനക്കാർ അതിജീവന സമരം നടത്തുന്നത്.