ഗാന്ധി സ്മൃതിയും വൃക്ഷ തൈ നടീലും ആശ്രമ അങ്കണത്തിൽ ഗാന്ധി സ്മൃതി സംഘടിപ്പിക്കുന്നു പ്രേം നസീർ സുഹൃത് സമിതി പാലക്കാട് ചാപ്റ്ററും – കൊല്ലൻ കോട് ചിങ്ങംചിറ ഏകലവ്യാശ്രമവും ഒക്ടോബർ രണ്ടിന്

പാലക്കാട് – ഗാന്ധി ജയന്തി ദിനത്തോടനുബന്ധിച്ച് പ്രേം നസീർ സുഹൃത് സമിതി പാലക്കാട് ചാപ്റ്ററും – കൊല്ലൻ കോട് ചിങ്ങംചിറ ഏകലവ്യാശ്രമവും ഒക്ടോബർ രണ്ടിന്
ആശ്രമ അങ്കണത്തിൽ ഗാന്ധി സ്മൃതി സംഘടിപ്പിക്കുന്നു. ദേശഭക്തി ഗാനം, പുഷ്പാർച്ചന, വൃക്ഷ തൈ നടീൽ , ഗാന്ധിതൊപ്പി സമർപ്പണം, നൃത്തം, ഗാനസ്മൃതി എന്നിവ നടത്തുന്നു. ഗാന്ധി സ്മൃതി സംഗമം രാവിലെ 11 ന് കെ.ബാബു എം.എൽ.എ. ഉത്ഘാടനം ചെയ്യും. സംസ്ഥാന പ്രസിഡന്റ് പനച്ചമൂട് ഷാജഹാൻ അദ്ധ്യക്ഷത വഹിക്കും. കൊല്ലൻകോട് പഞ്ചായത്ത് പ്രസിഡന്റ് കെ. സത്യപാലൻ, നെൻ മേനി വാർഡ് മെമ്പർ ജി.സുനിത, ആശ്രമ മഠാധിപതി സ്വാമി അശ്വതി തിരുനാൾ ,സമിതി സംസ്ഥാന സെക്രട്ടറി തെക്കൻ സ്റ്റാർ ബാദുഷ, ജില്ലാ പ്രസിഡന്റ് സി. മനോജ്‌കുമാർ, സെക്രട്ടറി എസ്. മുത്തു കൃഷ്ണൻ , മറ്റ് ഭാരവാഹികളായ സൗദാമിനി, എം.കെ. യൂസഫ്, വിജയൻ, ആശ്രമം സാരഥി യോഗിനി അശ്വതി ലക്ഷ്മി എന്നിവർ പങ്കെടുക്കും.