ജീവനക്കാരനെ കടിച്ചു; ബൈഡന്റെ പട്ടികളെ വൈറ്റ്ഹൗസില്നിന്ന്’നാടുകടത്തി’
വൈറ്റ്ഹൗസിലെ ജീവനക്കാരോട് ഇവരുടെ സമീപനം അത്ര ശരിയല്ലാത്തതാണ് വളര്ത്തുനായ്ക്കള്ക്ക് പണിയായത്. വൈറ്റ്ഹൗസ് ജീവനക്കാരിലൊരാളെ ദിവസങ്ങള്ക്ക് മുമ്ബ് നായ കടിച്ചിരുന്നു. പരിക്ക് ഗുരുതരമാണോ എന്നറിയില്ലെങ്കിലും ഇവരെ ഇനിയും തുടരാന് അനുവദിക്കുന്നത് അപകടം ചെയ്യുമെന്ന് കണ്ടാണ് കഴിഞ്ഞയാഴ്ച ‘നാടുകടത്തുന്നതി’ല് കലാശിച്ചത്.മൂന്നു വയസ്സ് മാത്രം പ്രായമുള്ള ‘മേജര്’ എന്ന നായയുടെ സ്വഭാവം വൈറ്റ്ഹൗസിനെ അടുത്തായി മുനയിലാക്കുന്നതായി റിപ്പോര്ട്ടുകളുണ്ടായിരുന്നു. രണ്ടു നായ്ക്കളില് ഇളയതാണെങ്കിലും സ്വഭാവത്തില് കാര്ക്കശ്യക്കാരനാണ്. വൈറ്റ്ഹൗസിലെത്തുന്ന ജീവനക്കാര്ക്കു നേരെ ചാടിയും കുരച്ചോടിച്ചും ചിലപ്പോഴെങ്കിലും ചാടിവീണും ‘മേജറു’ടെ ആക്രമണ സ്വഭാവം വിമര്ശനത്തിനിടയാക്കിയിരുന്നു. അതിനിടെയാണ് ഒരാള്ക്ക് കടിയേല്ക്കുന്നത്. ഇതോടെ മറ്റൊരു വഴിയില്ലെന്നു കണ്ടാണ് നാടുകടത്താന് തീരുമാനമെടുത്തത്. ജനുവരിയില് വന്ന ഇരുവരും ഇതോടെ അതിവേഗം വൈറ്റ്ഹൗസിന് പുറത്തായി.13കാരനായ ‘ചാമ്ബി’നോടും ‘മേജറോടും’ തെന്റ ഒടുങ്ങാത്ത അഭിനിവേശം അടുത്തിടെ ടെലിവിഷന് അഭിമുഖത്തില് ബൈഡന് പത്നി ജില് ബൈഡന് വ്യക്തമാക്കിയിരുന്നു.