ടെസ്ലയെ ക്ഷണിച്ച് മഹാരാഷ്ട്രയും കര്ണാടകയും
ട്വിറ്ററിലൂടെയാണ് ടെസ്ലയെ സംസ്ഥാനത്തേക്ക് ക്ഷണിച്ച വിവരം താക്കറെ അറിയിച്ചത്. ടെസ്ല അധികൃതരുമായി വ്യവസായ മന്ത്രി സുഭാഷ് ദേശായിക്കൊപ്പം വിഡിയോ കോള് നടത്താന് സാധിച്ചുവെന്നും ആദിത്യ താക്കറെ പറഞ്ഞു.കഴിഞ്ഞ മാസമാണ് ഇന്ത്യയിലേക്കുള്ള വരവ് ടെസ്ല സി.ഇ.ഒ ഇലോണ് മസ്ക് പ്രഖ്യാപിച്ചത്. ട്വിറ്ററില് ചോദ്യത്തിന് മറുപടിയായാണ് അദ്ദേഹം ഇക്കാര്യം പറഞ്ഞത്. ലോകത്ത് അതിവേഗം വളരുന്ന സമ്ബദ്വ്യവസ്ഥയായ ഇന്ത്യയിലേക്ക് അടുത്ത വര്ഷം എത്തുമെന്നായിരുന്നു മസ്കിെന്റ പ്രസ്താവന.അതേസമയം, ടെസ്ല എത്തിക്കാന് മഹാരാഷ്ട്ര മാത്രമല്ല ശ്രമിക്കുന്നത്. കമ്ബനിയുടെ നിര്മാണശാല സ്വന്തം സംസ്ഥാനത്ത് തുടങ്ങിപ്പിക്കാനുള്ള നീക്കങ്ങള് കര്ണാടകയും ആരംഭിച്ചിട്ടുണ്ട്. ടെസ്ല അധികൃതരുമായി കര്ണാടകയും സംസാരിച്ചുവെന്നാണ് വിവരം. ലോക്ഡൗണിന് ശേഷം പരമാവധി തൊഴിലവസരങ്ങള് സൃഷ്ടിക്കാന് വ്യവസായങ്ങള്ക്ക് പ്രോത്സാഹനം നല്കുന്ന നയമാണ് കര്ണാടക സ്വീകരിക്കുന്നത്. ബംഗളൂരുവില് ടെസ്ലക്ക് ബാറ്ററി നിര്മാണശാലയുണ്ടെന്നതും കര്ണാടകക്ക് അനുകൂല ഘടകമാണ്.