അമേരിക്കന്‍ പ്രസിഡന്‍റായിരുന്ന എബ്രഹാം ലിങ്കെന്‍റ തലമുടിയും അദ്ദേഹത്തിെന്‍റ മരണം അറിയിച്ചുകൊണ്ടുള്ള രക്തംപുരണ്ട ടെലഗ്രാമും ലേലത്തില്‍ പോയത് 81,000 ഡോളറിന് (ഏകദേശം 59.51 ലക്ഷം രൂപ)
ബോസ്റ്റണ്‍ ആര്‍.ആര്‍ ഓക്ഷന്‍ കേന്ദ്രമാണ് അത്യപൂര്‍വവും ചരിത്രപരവുമായ വസ്തുക്കള്‍ ലേലത്തില്‍ െവച്ചത്.
1865 ഏപ്രില്‍ 14ന് വാഷിങ്ടന്‍ ഫോഡ് തിയറ്ററില്‍ വെച്ച്‌ വെടിയേറ്റായിരുന്നു എബ്രഹാം ലിങ്കെന്‍റ മരണം. മൃതദേഹം പോസ്റ്റുമോര്‍ട്ടം ചെയ്യുന്നതിനിടെ നീക്കം ചെയ്ത മുടിക്കെട്ടിന് അഞ്ച് സെന്‍റി മീറ്ററായിരുന്നു നീളം. ലിങ്കെന്‍റ ഭാര്യ മേരി ടോഡ്, ബന്ധു ഡോ. ലിമന്‍ ബീച്ചര്‍ ടോഡ് എന്നിവരുടെ പക്കലായിരുന്നു ഇവ. 1945 വരെ ഇത് തങ്ങളുടെ കൈവശമുണ്ടായിരുന്നുവെന്ന് ഡോ. ടോഡിെന്‍റ മകന്‍ ജെയിംസ് ടോഡ് പറഞ്ഞു.
1999ലാണ് മുടി ആദ്യമായി വില്‍പന നടത്തിയതെന്ന് ലേല കമ്ബനി അറിയിച്ചു. കഴിഞ്ഞ ശനിയാഴ്ച നടന്ന ലേലത്തില്‍ 75,000 ഡോളറാണ് പ്രതീക്ഷിച്ചതെങ്കിലും 81,000 ഡോളറിനാണ് ലേലത്തില്‍ പോയതെന്ന് അധികൃതര്‍ പറഞ്ഞു. എന്നാല്‍, മുടി സ്വന്തമാക്കിയ വ്യക്തിയുടെ വിശദവിവരങ്ങള്‍ വെളിപ്പെടുത്തിയിട്ടില്ല.1860ല്‍ നടന്ന പൊതുതിരഞ്ഞെടുപ്പില്‍ റിപ്പബ്ലിക്കന്‍ പാര്‍ട്ടിയുടെ സ്ഥാനാര്‍ഥിയായി മത്സരിച്ചാണ് അദ്ദേഹം അമേരിക്കയുടെ 16ാം പ്രസിഡന്‍റായി സ്ഥാനമേല്‍ക്കുന്നത്. അഞ്ച് വര്‍ഷങ്ങള്‍ക്കുശേഷം വാഷിങ്ടണ്‍ ഡി.സിയിലെ ഫോര്‍ഡ്സ് തിയറ്ററില്‍ വെച്ച്‌ നടനും കോണ്‍ഫെഡറേറ്റ് അനുകൂലിയുമായ ജോണ്‍ വില്‍ക്കിസ് ബൂത്ത് എന്നയാളുടെ വെടിയേറ്റാണ്‌ ലിങ്കണ്‍ മരിക്കുന്നത്. അമേരിക്കന്‍ ചരിത്രത്തില്‍, വധിക്കപ്പെട്ട ആദ്യത്തെ പ്രസിഡന്‍റും പദവിയിലിരിക്കെ അന്തരിച്ച രണ്ടാമത്തെ പ്രസിഡന്‍റുമാണ് അദ്ദേഹം.